CALLING LAND REFORM ISSUES AS DEFUNCT ISSUES IS ANTI-PEACE AND ANTI-DEVELOPMENT

TACLOBAN CITY – The commanding general of 19th IB was taking an anti-development and anti -peace stance when he categorized the advocacy of SAGUPA-SB Secretary-General Nestor Lebico for genuine agrarian reform and against the fake/ ineffective land reform program s of the government as defunct issues.

“Every farmer who does not own a land knows the burden of being landless. To them the struggle to own a land is a very living issue. It is their most effective way out of poverty. Their way towards sustainable development. Not a defunct issue,” Lebico explains.

The record of the government in breaking up land monopoly by a few and distributing these lands to the landless is a matter of public record. A reality for easy verification. After 40 plus years and millions of money spent on the government land reform program, millions of farmers are still landless. On the other hand, some families still own vast tracts of lands like the family of the Commander in Chief of the AFP etc. Exposing this reality is useful for the people and for good governance according to Lebico.

“It is when exposing the reality about the government land reform program and campaigning for a genuine alternative as was done by SAGUPA and MUFAC are branded as anti peace and anti development or or as supporting the NPAs by soldiers claiming to be for peace and development that farmers experience fear and the distortion of reality under Oplan Bayanihan of the AFP,” Lebico ended.###

Advertisements

ANGGULO HAN PAGMINA HAN NICUA DIRI GINWAWARA NGA HINUNGDAN HAN FISHKILL HA LAKE BITO!

TACLOBAN CITY – Operasyon han mina han Nicua harani han Lake Bito diri pa ginwawara han hinungdan han fishkill nga naeksperyensyahan han mga fish cage/pens nga opereytor basar han pahayag han mismo han Bureau of Fisheries and Aquatic Resources o BFAR-8.

“Kinahanglan gud nga tapuson an ngatanan nga laboratoryo nga eksaminasyon nga mayda kalabutan han pagkamatay han isda para magkaaada hin pinal nga konklusyon kabahin hini nga isyu kay natuod kami nga usa han dako nga nagkontribwer han pagkamatay han isda an malubog nga tubig nga nagtitikang ha minahan nga umawas tikadto han lake,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas o SAGUPA-SB.

Paghamubo han dissolved oxygen nga resulta han fish overstocking ngan hugaw tikang han mga tawo an mga gintutudlok han fishkill ha lake bito basar han resulta nga ginkondukta han BFAR. Kadungan liwat hini nga pahayag, nagsuhestyon liwat an ahensya nga magkondukta hin hag-id nga imbestigasyon ngan tests para mapamatud-an kon mayda kalabutan an mina nga kawsa han fishkill.

“Imbes nga buligan an mga molopyo para mas mapaupay pa an lugar nga ira ginpapakabuhian, iba an ginbabaton han LGU han MacArthur para han rehabilitasyon nga plano hini nga kon diin mas gin-uundong pa nga magin eko-turismo an lake bito nga magreresulta ini hin haluag nga dislokasyon han pakabuhian,” dugang pa ni Lebico.

“Komo nagseselebrar kita yana nga adlaw han Earth Day, nananawagan kami ha mga molopyo han MacArthur, Leyte ngan diin man nga dapit han rehiyon 8 nga mayda kapareho nga gin-aatubang nga problema ha kalibungan nga mas magkaurosa nga proteksyunan naton an kalibungan para ha seguridad ha pagkaon ngan pakabuhian. Diri tugutan an anuman nga pandidistroso nga ginbubuhat han estado ngan langyaw nga kapitalista,” pagtatapos ni Lebico.###

PAGBARA HAN MGA SAPA HA MACARTHUR, LEYTE TIKANG HA BAYA HAN PAGMINA HAN NICUA MINING COMPANY!

TACLOBAN CITY –Barado na an sapa nga aada nahimumutang ha Brgy. Pongon, MacArthur, Leyte ngan mga kakranit nga sapa ha iba pa nga barangay tungod han mapandistroso nga pagmimina han Nicua Mining Company.

“Iresponsable ini nga gawi han Nicua Mining Company tungod kay ginruba hini an aragianan han tubig nga para irigasyon ngadto han umhanan han mga parag-uma,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas (SAGUPA-SB).

An National Irrigation Administration (NIA) mayda tulo nga lateral nga aragianan han tubig para irigasyon. Ini an lateral A, B ngan C nga kon diin an lateral C nahimumutang ha Brgy. Pongon, MacArthur, Leyte kun diin barado na tikang pagminahan an nasabi nga lugar. Labot hini nga lateral C, barado na gihapon an Salukigi, Mahanod, Pamunawan, ngan Kawayan Creek nga kun diin dinhi nadiretso an mapilit nga tubig tikang ha minahan.

Pagmalatumat pa ni Lebico nga ginpapagawas ni Mines and Geosciences Bureau Director Roger De Dios nga magasto para han dredging an Nicua Mining Company para limpyuhan ini nga mga aragianan han tubig. Pero ha kamatuoran an tubig nga tikang ha minahan amo an nagpabara han mga sapa. Sanglit kaangayan la nga an Nicua an maggasto para han dredging ngan responsabilidad hini nga ibalik utro an anay hitsura han sapa nga malimpyo ngan paborable para ha irigasyon.

“Pirit nga ginpapakaupay an imahe han Nicua ni Director De Dios ha atubangan han katawhan ha rehiyon 8. Gintatahuban ni De Dios an mga iregularidad nga ginbubuhat han Nicua nga nagawas nga tagbaba na ini han kompaniya. Maka-aalarma ini nga sugad nga panindugan hin usa nga opisyal han ahensya han gobyerno nga imbes nga protehiran an kaupayan para han katawhan adto hiya nakiling han kompaniya han mina,” pagtatapos ni Lebico.###

KALBARYO UTRO AN GIN-ATUBANG HAN MGA GUDTI NGA PARUPANGISDA HA LAKE BITO TUNGOD HAN PAGKAMATAY HAN IRA MGA ISDA!

TACLOBAN CITY – Kahuhuman pala an semana santa pero para ha mga residente han duha nga barangay – an Barangay Villa Imelda ngan Pongon, utro kalbaryo an ira gin-aabat yana tungod han pagkamatay han mga isda nga prinsipal surok han ira panginabuhian.

“Pinakamaul-ol nga pasakit para ha mga kablas nga parupangisda an kuhaon an surok han pakabuhian nga kon diin adto hira nabubuhi. An bulto-bulto nga nagkamatay nga mga isda kon nabuhi sadang na unta para makakaon hin pira ka bulan an mga pamilya nga apektado,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas (SAGUPA-SB).

Nagtikang an fishkill dida pa han Marso 15, 2012. Ginbabana-bana nga maabot 15,000 metriko tonelada an ihap han nagkamatay nga mga tilapia. Nalaom an maabot 90 porsyento han populasyon hini nga mga barangay ha pagtaga Buno-an.

Pagmalatumat pa ni Lebico nga ini nga mga Buno-an nahimumutang ha Lake Bito nga harani mismo han ginmiminahan han Nicua Mining Corporation nga asya an gintutuuhan han mga molopyu nga hinungdan han pagkamatay han nasabi nga mga isda tungod kay an kanal nga tikang han minahan deretso nga naawas ngadto han Buno-an pero ginpanhimua ini han ahensya han Bureau of Fisheries and Aquatic Resources (BFAR) ngan Mines and Geosciences Bureau (MGB) kundi namatay pa an mga isda tungod han paghamubo han oxygen ngan polluted na an lugar kuno.

“Agap nga mapanginano ngan tama nga maimbestigaran an tinuod nga hinungdan han pagkamatay han mga isda ha nasabi nga lugar. Diri unta maimpluwensyahan ngan masuhulan an mga ahensya han gobyerno han tinuod nga rason kon kay ano nasugad an mga isda ha Lake Bito,” pagtatapos ni Lebico.###