OIL DRILLING OPERATION IN SAN ISIDRO, LEYTE AFFECTS LOCAL WATER SUPPLY

Tacloban City – Since August 2010, the water supply of the fifty (50) farmers in Sitio Calunasan, Barangay Banat-e, San Isidro, Leyte had been seriously affected due to drilling operation of the NorAsia Energy Ltd., a unit of the Otto Energy Ltd., which have secure its oil exploration permit here in Leyte.

The water reserve of the said location was inflicted with muds as a consequence of the drilling site situated above the creek, that serves as local community’s drinking water supply.

“This could be a very distressing situation in San Isidro, Leyte due to these mining activities. The local  government seems to remain unspoken and still on this matter, likewise, the province has yet to prove that their testimony previously regarding its opposition to mining was a nonsense,” said Nestor Lebico, Secretary General of Samahan han Gudti na Parag-uma ha Siniringan Bisayas (SAGUPA-SB).

Lebico further purported that the nearby populace of the drilling site worries to be ejected or displaced in the event this mining operation will be in full-operation. Just what happened in Compostella Valley, wherein thirteen (13) people had been submerged in muds coming from the mining site.

“It is estimated that mining operation will cover 32,000 hectares in San Isidro and about 18 million barrels of oil will be extracted,” Lebico added.

“No matter how much costs will be incurred during the mining operation, the devastation brought to local community and environment as a whole, from land to coastal areas, will no longer be altered,” Lebico highlighted.

If taken into account, the mining exploration in San Isidro, Leyte was started way back 1960s. The Philippine Oil Development Company o PODCO contracted out the blasting for the said exploration and is now regenerated by the  Otto Energy Ltd. without any contention by the local government. ###

Advertisements

SUROK HAN TUBIG HAN MGA PARAG-UMA HA SAN ISIDRO, LEYTE APEKTADO HAN OIL DRILLING

TACLOBAN CITY – Pinaka syahan nga apektado an surok han tubig han 50 nga pamilya han mga parag-uma ha Sitio Calunasan han Brgy. Banat-e, San Isidro, Leyte, dida pa han Agosto 2010 han magtikang an drilling han NorAsian Energy Ltd., usa nga unit han Otto Energy Ltd. nga amo an nakakuha han exploration permit para han pagmina hin lana ha Leyte.

Nagkaada hin lagay o lapok an surok han tubig nga gin-iinom han mga taga Brgy. Banat-e, San Isidro tungod kay ubos la han lugar han drilling site amo man liwat an creek nga surok han tubig para han barangay.

“Makaaalarma kaupay ini nga panhitabo ha San Isidro, Leyte tungod hini nga pagmimina hin lana ha lugar, labi na nga baga nasasarop an baba han aton lokal nga gobyerno ngan mismo an aton probinsya hini nga pagmimina nga taliwas han mga pahayag nira ha pira pala kabulan an naglabay kontra pagmimina ha Leyte,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga  nahahadlok na ngani an mga tawo han hagrani nga mga kumunidad han drilling site tungod kay bangin ha panahon nga mag-full operation na an mining in mapaiwas hira ha lugar labi na nga an pinakalab-as pala nga panhitabo an pagkamatay han 13 nga molopyo ha Compostila Valley ha Mindanao tungod  han matabunan hira han lapok tikang han ginmiminahan nga lugar.

Dugang pa ni Lebico nga naglalangkob hin maabot 32,000 ka ektarya an target pagminahan ha San Isidro ngan ginkukunukuno nga maabot ha 18 milyon ka bareles hin lana an makukuha ha nasabi nga lugar.

“Bisan paman pira ka milyon an kuno gagastuhon han kompanya han mina ha nasabi nga lugar, diri bisan san-o paman masusuklian an mahihimo nga distroso han aton mga molopyo ha lugar ngan labi na an epekto hini ha aton kalibungan nga ha aton kahibaruan dako nga epekto hini kutob ha kadagatan,” pagsayod pa ni Lebico.

Kun mahanunumduman nagtikang an eksplorasyon han pagmina han lana ha San Isidro tumikang pa han 1960’s nga ginkontrata han Philippine Oil Development Company o PODCO an blasting para han nasabi nga eksplorasyon ngan yana ginpapadayon ini han Otto Energy Ltd. nga waray man la pagsuson han aton mga lokal nga gobyerno.###

KUMBERSYON HAN AGRIKULTURAL NGA KATUNAAN AN MAYOR NGA NAGDUDUSO HAN KRISIS HA BUGAS

TACLOBAN CITY – Tikang han sumulod an aton gobyerno han World Trade Organization o WTO han dekada nobenta, dida man liwat tumikang an pagtikagudti han produksyon han aton bugas nga numero una nga pagkaon han katawhan Pilipino.

Tungod ini han haluagan nga kumbersyon han aton agrikultural nga katunaan nga nangunguna nga nagduduso han krisis ha bugas para tagan lugway an interes han mga dagko nga langyaw nga kapitalista nga nagtatag-iya han mga hacienda han saging, pinya, tubo, tuba-tuba ngan damo pa nga iba nga kinahanglan han ira mga industriya.

“Ha kamatuoran maiha na an krisis ha pagkaon han katawhan Pilipino, ngani mas nagtitikagrabe an kagutom ngan kakurian an gin-aantos yana han kadam-an, waray pulos an ginsesering han mga opisyal han gobyerno nga supesyente an supply han bugas samtang kami mismo nga mga parag-uma nga nagtatanom han humay in mismo NFA pa nga bugas an pagkaon,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Dugang pa ni Lebico nga tikang han 1991 kutob 2002 nakada na ha 86,606 ka ektarya hin tuna nga gintatamnan hin humay an ginkumbert subay han Census of Agriculture, waray pa ini an mga nakumbert pa tikang han 2002 ngada yana nga 2011 nga mas haluagan pa labi han mahimo nga balaud an Tourism Act of 2009 nga legal nga nagkukumbert han agrikultural nga katunaan ngadto ha paggamit ha eko-torismo.

Pagsaysay pa ni Lebico nga dako nga ehemplo ha aton rehiyon an pagkumbert han agrikultural nga katunaan ngadto han pananom han Tuba-Tuba labi na ha probinsya han Biliran nga asya an gindidikta han mga langyaw nga kapitalista para han panginahanglan han bio-fuel ha ira nasud, ngani yukot-yukot na ka ektarya an target han mga probinsya ha bug-os nga rehiyon-8 para han Tuba-Tuba plantation.

“Halarom an ugat han krisis ha bugas nga nagdadabi hin pulitikal nga desisyon para igpabilin an seguridad ha pagkaon han katawhan Pilipino ngan labi na an pan-ekonomiya nga agresyon han mga langyaw nga kapitalista ha aton nasud nga nangunguna han hagluag nga kumbersyon han aton agrikultural nga katunaan,” pagtatapos ni Lebico.###