TINUOD NGA REPORMA HA TUNA AN YAWE HAN MAUSWAG NGA PRODUKSYON HAN AGRIKULTURA HA VIETNAM

TACLOBAN CITY – Damo na nga dekada an naglabay hasta ngada yana diri ginkukonsidera han gobyerno nga an kawaray tinuod nga reporma ha tuna dako an papel han kawaray seguridad ha pagkaon ngan mauswag nga produksyon han agrikultura ha aton nasud.

 

Diri nakikita ni Pres. Aquino nga maiha na nga ginpapakigbisog han katawhan Pilipino an pagkaada kalugaringon tuna nga asya an nagin yawe nga papel han mauswag nga produksyon han agrikultura ha Vietnam, ha luyo ini han iya paghambog nga dako kuno an maibubulig han mauswag nga agrikultura ha Vietnam ha aton kalugaringon agrikultura ha iya pagbisita yana nga adlaw ha nasabi nga nasud ngan pag-atender han ika-17 nga summit han Association of Southeast Asian Nations (ASEAN).

 

Pagmalatumat pa ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB, nga waray magiging pulos an mga lakat ni Pres. Aquino ha iya kunohay intensyon nga pauswagon an aton ekonomiya kun diri niya tatagan duon an prinsipal nga problema han katawhan Pilipino nga amo an reporma ha agraryo kumo butagtok han pag-uswag han aton nasyon.

 

Dugang pa ni Lebico, nga mahihimo na liwat ini nga pamasyada han aton presidente ngan ibandelyo an pagkuha han aton mga karikuhan ha mga kapitalista para han ira super tubo ngan paniniyupi ha katawhan Pilipino ngan an pinakamapait kun maghahatag pa lugod hin lugway para han mas haluagan nga pangangagaw hin tuna ini nga ginhuhugna nga buligay han duha nga nasud sugad han nahitabo han naglabay nga rehimen.

 

Mahanunomdoman nga ha 100 ka adlaw ni Pres. Aquino kumo presidente han aton nasud in waray nakita nga programa ngan palisiya para ipatuman an tinuod nga reporma ha tuna ngan sugad nagpapadayon an monopolyo han hagluag nga katunaan han mga dagko nga agaron maytuna sugad nala ha Hacienda Luisita ngan ha Leyte Saba Basin Area ha aton nga dapit.###

“I SHALL RETURN” NGA MGA PULONG NI GEN. MACARTHUR NAGSASALAMIN HAN MGA INTERES HAN KANO HA ATON NASUD

TACLOBAN CITY – Napamatud-an ha kasaysayan nga halarum an karuyag sidngon han mga pulong ni Gen. MacArthur nga “I shall return” nga nagdadabi han maiha na nga pan-ekonomiya nga mga interes han Amerika ha aton nasud antes paman otro kita nga sakupon han Kapitalista nga Amerikano han nakalabay nga Octobre 20, 1944.

 

“Otro nga pagsakop an tama nga pulong para han pagbalik han mga Kano ha aton nasud ngan diri pagtatalwas ha mga kamot han Hapon kay napamatud-an han katawhan Pilipino an iya kusog nga pirdihon an kaaway nga mga Hapones,” pahayag pa ni Nestor Lebico, Secretary General han SAGUPA-SB.

 

Pagmalatumat pa ni Lebico nga an Pilipinas an usa han pinakaruba nga nasyon ha Asya kahuman han ika-2 nga Gerra Pankalibutan tungod han grabe nga agway giutan han mga dagko nga mga Imperyalista nga Hapon ngan Amerika ha diri masolbar nga agaway ha merkado ngan kukuhaan hin mga hilaw nga produkto para han ira mga industriya.

 

Pagklaro pa ni Lebico nga ha grabe nga mga hinulog nga bomba han mga Kano ha aton nasud segurado la nga waray iba nga tumuyo hini labot la han ira target nga mga Hapones an pagparalisa pa han aton ekonomiya ngan kun sugad segurado nga kinahanglan umasa kita han mga Kano ha pag-uswag ha luyo han kunuhay pagtatalwas ha aton.

 

“Padayon nga pagkontrol han aton ekonomiya sakob hin 66 ka tuig han Amerika an angay hinumdumon han Leyte Landing nga anibersaryo yana nga Oktubre 20, 2010 tungod hasta ngada yana nagpapabilin nga sunod-sunuran an aton gobyerno ha dikta han Imperyalista nga Amerika ha aton ekonomiya ngan pulitika” kadugangan pa ni Lebico.

 

Mahanunumdoman nga ginsaad ni Gen MacArthur an pagbalik ha Pilipinas mahuman pirdihon ha agway ha Asya han mga imperyalista nga Hapon nga nagtikang han atakehon an Pearl Harbor ha Hawaii hadton 1941 para otro nga ankonon an Pilipinas.

MORE THAN A THOUSAND FARMERS MARCHED IN CATBALOGAN FOR PEASANT DAY AND “WORLD FOODLESS DAY”

Samar Peasants Demand:

“Food, Not Bullets!”

“Stop The Island-wide Military Campaign of The 8th Infantry Batallion!”

“No to Large-Scale Foreign Mining in Region 8!”

 

CATBALOGAN, WESTERN SAMAR, October 16— Led by the Kapunungan han Gudti nga Parag-uma ha Weste han Samar (KAPAWA), more than a thousand farmers from San Jose de Buan, Motiong, Calbiga, Paranas, Pinabacdao, Hinabangan, Matuguinao, Jiabong, Catbalogan and Calbayog converged this morning in Catbalogan to join in the celebration of Peasant Day and “World Foodless Day.” The mobilization, the biggest in the province since the assumption of the new Aquino administration, was simultaneously coordinated with another mass action in Tacloban City, as part of a regional campaign of peasant organizations spearheaded by the Samahan han Gudti nga Parag-uma ha Sinirangan Bisayas (SAGUPA-SB) to highlight the present struggle of the sector against poverty, hunger and human rights violations.

 

According to SAGUPA-SB, the widespread landlessness of the peasants, the absence of any relevant government subsidy program for agriculture, and the anti-peasant policies such as the failed CARP (and its proposed extended version called CARPER), land conversion schemes and the pro-imperialist Mining Act of 1995, are among the major reasons for the rampant poverty and hunger of peasant families in Region 8.

 

The militarization in the countryside meanwhile, according to KAPAWA, continues to bring about human rights abuse and damage to livelihood which further aggravate the alarmingly high level of poverty and hunger being experienced in Samar especially by the poor peasants. Recent surveys conducted by the government has ranked the province sixth among the poorest, and fourth among the provinces with the highest incidence of malnutrition of children. “’Food, not bullets!’ is the loud cry of the peasants of Samar,” KAPAWA said in a statement.

 

A massive military campaign which covers significant portions of all the three provinces of the island of Samar is currently escalating. Aside from incidents of harassment and physical abuse of civilians by soldiers of the AFP, there have also been a number of recent reports of theft and desruction of crops by elements of the 8th Infantry Division in the interior barangays of Jiabong, Motiong, and San Jose de Buan. In Matuguinao, military helicopters have been reported to have been indiscriminately landing and trampling on rice fields.

 

“President Noynoy Aquino has given us much talk about reforms and his so-called righteous path; but with mounting state terrorism, the exact opposite is definitely what’s happening in Samar,” KAPAWA added.

 

The delegates from the town of Jiabong, meanwhile, said that they have an added reason to be worried about the recent series of military operations as this might be used to force the communities to accept the entry of the foreign-owned Manganese Mineral Belt Mining Corporation despite an existing provincial ordinance which prohibits large-scale foreign mining in the whole province for 50 years. According to Jiabongnon-Nagkakaurusa nga Parag-uma Hingyap Kauswagan (JINGYAP), the people of the town are against the setting up of a 2,000 hectare manganese mining concession in Barangay Bawang because it threatens Jiabong’s tahong industry, the vast farmlands in the town’s plains,  and the forest watershed not only of Jiabong but also of neighboring Catbalogan.

 

The mobilization is considered to be a kick-off activity for a series of peasant and multi-sectoral mass actions in Samar which aims to drumbeat, among others, the call for the passing into law of the Genuine Agrarian Reform Bill (GARB); the institutionalization of a comprehensive agrarian subsidy program; the wage increase for farm workers; and an aid system for victims of calamities and infestation. The current peasant campaign, according to KAPAWA, shall treat as urgent the demand to put a stop to the escalating militarization and human rights violations in the island, and to large-scale foreign mining in the province and the whole region.

 

 
Reference: FILOMINO TABON-TABON
Cellphone Number: 09159656382
E-mail:kapawa2010@gmail.com

Yukot nga Parag-uma nagmartsa ha Catbalogan para ha Adlaw han Parag-uma ngan “World Foodless Day”

Hugot nga panawagan han mga parag-uma: “PAGKAON DIRI BALA!”
“Tipahan an Tinagdagko nga Dayuhan Pagmimina!” ngan  “ Ig-udong an Militarisasyon!”

CATBALOGAN, WESTERN SAMAR, Oktubre 16- Malinampuson  an mobilisasyon na ginhimo han sobra ha 1,000 parag-uma ha Catbalogan, Samar,  kasumpay han Adlaw han mga Parag-uma ngan “World Foodless Day.” An mga parag-uma in tikang ha iba-iba nga bongto han probinsya sugad han San Jose de Buan, Motiong, Calbiga, Paranas, Pinabacdao, Hinabangan, Matuguinao, Jiabong, Catbalogan ngan Calbayog ngan aada ha pangunguna han Kapunungan han Gudti nga Parag-uma ha Weste han Samar (KAPAWA).

Nagtirok an mga parag-uma banda alas-10 han aga ha Kapitolyo ngan nagmartsa ha iba-iba nga mayor nga karsada han Catbalogan tubtub ha Municipal Park kung diin ginhimo an usa nga programa, banda 11:30 han udto. An paggios na ini in koordinado ha mobilisasyon yana ha Tacloban City ngan parte han rehiyonal na paggios han sektor han parag-uma ha pangunguna han Samahan han Gudti nga Parag-uma ha Sinirangan Bisayas (SAGUPA-SB) para ig-panawagan ha gobyerno an hangyo han mga parag-uma kontra ha kagutom, kakablasan ngan pananalumpigos.

An kawarayan hin kalugaringon tuna han mga parag-uma, kawarayan subsidyo ha panguma, kumbersyon han katunaan, ngan diri makaparag-uma nga mga palisiya han gobyerno sugad han CARP ngan CARPER, Mining Act of 1995, an gintudlok han SAGUPA-SB komo mga landaw nga tinikangan ha kakablasan ngan kagutom han mga parag-uma ha Rehiyon VIII.  An militarisasyon in usa liwat nga nanhihibang ngan nagriringgal ha panginabuhian han mga parag-uma.

Subay liwat ha pahayag han KAPAWA, “Gin-aabat han mga Samarnon an labaw kamaraut nga lebel han kakablasan ngan kagutom… pero gindidistroso pa liwat hin haluagan nga operasyon militar an panginabuhian han mga parag-uma. ‘PAGKAON DIRI BALA!’ an guliat han mga parag-uma.”

Ginlulupgop na hin haluagan ngan nagtitikapintas nga operasyon militar an bug-os nga isla han Samar. Labot pa han abuso han kasundaluhan sugad han pansuol ngan panarhug, pira na an kaso han pangawat ngan panhibang ha paninanom subay ha sumat han mga parag-uma tikang ha Jiabong, Motiong, San Jose de Buan, ngan ha Matuguinao, kun diin ginlandingan han mga helikopter an kauumhan. An kasundaluhan tikang ha 34th Infantry Batallion  han 8th Infantry Division in gintutudlok nga responsable ha mga kaso han pangabuso.

“Damo an ginkukurukayakan ni Presidente Noynoy Aquino hiunong ha mga reporma pero kasupak hini an nahihitabo dinhi ha Samar. An dugang nga duso han terorismo han estado in asya na gud nga ginsesering ni Aquino nga reporma ug maupay na pagdudumara!” sering pa han pahayag han KAPAWA.

Ha bongto han Jiabong, kung diin an mga operasyon militar in mayda liwat katuyuanan nga proteheran an mga dayuhan kumpanya ha pagmimina sugad han Manganese Mineral Belt Mining Corporation nga pira kabulan na nga namimiling hin sampol na mineral ha Barangay Bawang, in aktibo nga nagpartisipar ha mobilisasyon an mga parag-uma nga myembro han Jiabongnon – Nagkakaurusa nga Parag-uma Hingyap Kauswagan o JINGYAP.

Subay ha pahayag han JINGYAP: “Labot ha apekto (han mina) ha industriya han tahong, posible liwat mahibang an kagugub-an nga watershed han bongto han Jiabong ug Catbalogan, ngan an haluag nga kahagnaan ha kapatagan… Gin-aayat namon an Sangguniang Panlalawigan han Western Samar nga ig-patuman an Ordinance No. 541 nga nag-uunod hin 50 katuig nga moratorium o pagbabawal ha tinagdagko nga pagmimina ha bug-os nga probinsya. Diri na mapupudngan an nagkakaurusa nga guliat han mga Jiabongnon nga nagtitipa ha mina!” Plano liwat nga lupgopon han mina an mga bongto han Catbalogan ngan Motiong.

An nahitabong rali ha Catbalogan yana in syahan pa la ha serye han mga mobilisasyon nga gin-aandam han mga parag-uma ha Weste han Samar para ig-panawagan an kaupayan han sektor agrikultura. Kaupod dinhhi an tinood nga reporma ha tuna ngan pagsasabalud han Genuine Agrarian Reform Bill (GARB), komprehensibo nga programa para ha subsidyo agraryo,  pagpahitaas han suhol ha mga trabahador ha uma, ngan ayuda pan-agrikultura ha mga biktima han kalamidad ngan peste. Hugot ngan dagmit na panawagan han mga parag-uma yana an pag-udong ha militarisasyon ngan pananalapas ha mga katungod pantawo ha kabaryuhan, ngan an pagtipa ngan pagpugong ha tinagdagko nga dayuhan nga pagmimina ha bug-os na probinsya.

Reference: FILOMINO TABON-TABON,  CP: 09159656382
E-mail:kapawa2010@gmail.com

WORLD FOODLESS DAY IGSESELIBRAR PINAAGI HIN PROTESTA HA DEPARTMENT OF AGRARIAN REFORM-8 (DAR-8)

TACLOBAN CITY – Igsasalin-orog an World Food Day ha maabot nga October 16, 2010 ha bug-os nga kalibutan, kasumpay hini paghihimuon an usa nga protesta yana nga adlaw (October 15, 2010) atubangan ha DAR-8 nga opisina an pagsilibrar han World Foodless Day para han mga parag-uma ha bug-os nga rehiyon tungod han kawaray kalugaringon tuna nga gin-uumhan.

“Kawarayan pagkaon ngan kakablasan an angay igselibrar han mga parag-uma ha bug-os nga rehiyon labi na nga waray tinuod nga reporma ha tuna nga ginpapatuman an aton gobyerno lugod pagpapabilin ngan pagpapahaluag pa han monopolyo han hagluag nga katunaan han mga dagko nga agaron maytuna,” pahayag ni Nestor Lebico, Secretary General han SAGUPA-SB.

Usa nga dako nga ehemplo han pangagaw han katunaan ha aton rehiyon an pangagaw ni Atty. Cheng Veloso han 429 ka ektarya hin tuna ha 144 nga pamilya ha Leyte Saba Basin Area nga aada han tri-boundary han San Miguel, Alang-Alang han Leyte ngan Tacloban City diin nahitabo ini kahuman la igkansela han DAR an ira mga Certificate of Land Ownership Award (CLOA).

Pagmalatumat pa ni Lebico nga aada na ha 1,028,186 an ihap han ginugutom ha rehiyon-8 dida han tuig 2009 basar han National Statistic Coordinating Board-8 (NSCB-8) kun diin 109,072 o 19.21% nga  preschoolers ha bug-os nga rehiyon an malnarish basar han National Nutrition Council-8 (NNC-8) dida han September 2009.

Kadugangan pa ni Lebico nga umabot pala ha 0.4% o 177 ka ektarya nga tuna an naidistribwer samtang 98.6% o 12,903 ka ektarya an waray pa ka distribwer ha 13,080 ka ektarya nga target nga kahiluagon nga maidistribwer yana nga tuig 2010 ilarum han Comprehensive Agrarian Reform Program Extension with Reform (CARPER).

“Dako namon nga singgit ha rehimen Aquino nga gin-iiliw namon an iya tuwid na daan ngan kayo ang boss ko tungod kay mas nakikita namon an mas grabe nga kagutom ngan kakablasan ha iya mga palisiya ngan programa labi na ha amon sektor han mga parag-uma,” pagsaysay pa ni Lebico.

“Genuine Agrarian Reform Bill (GARB) o House Bill 374 an magpapatuman han tinuod nga reporma ha tuna ngan kausawagan han sektor han parag-uma, asya ini an amon tuwid na daan, kinahanglan dagmit nga himuon nga balaud ni Pnoy ini kun hi kami an boss niya” pagtatapos ni Lebico.

COMMISSION ON HUMAN RIGHTS-8 (CHR-8) GIN-AAYAT NGA BUMISITA HA MGA LUGAR NGA GIN-AABUSOHAN HAN MILITAR

TACLOBAN CITY – Hugot nga nananawagan an sektor han mga parag-uma ha aton rehiyon nga panahon na nga bumisita an CHR-8 ha mga lugar nga diin grabe an militarisasyon nga nahinanabo labi na an mga lugar han Norte ngan Weste Samar.

 

Ha naglabay nga duha ka semana, damo nga mga parag-uma an nagpahayag ha kahanginan mismo denhe ha syudad han Tacloban, han mga pagbayular han tawhanon nga katungod han mga militar labi na ha mga bungto han Las Navas han Norte Samar, Motiong, Jiabong ngan Matuginao han Weste han Samar ha panahon han ira mga operasyon.

 

“Amon ginkakasubo nga apisar han ginpahayag han pamunuan han militar nga ginrerespeto nira an mga katungod han katawhan labi kay kuno umagi hin mga seminar an ira mga tropa, kabaliktaran naman ini an nahihinabo ha aktuwal ha kabaryuhan tungod mismo an mga sundalo an nagkakastigo, nangangawat, nanarhug ngan nagruruba han mga produkto han mga parag-uma,” pahayag ni Nestor Lebico, Secretary General han SAGUPA-SB.

 

Pagklaro pa ni Corazon Elizalde, tsirman han Alyansa han Parag-uma Kontra Gutom ha Las Navas (APKLAS), nga diri nagsusul-ot han ira mga nameplate an mga sundalo nga nag-ooperasyon ngan kun sugad diri makaklaro kun hin-o an partikular nga nagbabayular pero hira manta ini an nagkastigo ngan iba pa nga panalapas han amon igkasi parag-uma diin walo nga magkaranit barangay ha amon dapit an apektado hini.

 

Ginpahayag liwat han mga taga weste han Samar an iba-iba nga panalapas han mga militar ha ira mga lugar sugad nala han taga Matuginao, Motiong ngan Jiabong diin mismo an helikopter han sundalo an nagruba han mga pananom nira kay asya manta ini an ginhihimo nga landingan.

 

An pinakagrabe pa hini kay mismo babaye in gagagaran han mga sundalo nga kastiguhon sugad nala han pagbalbaga kan Rosalie ha iya liog ha ira panimalay atubangan mismo han gudti nga mga anak hini, labot pa ini han pangawat hin mga manok ngan duma ha kaumhan ngan mismo pangutang ha mga tindahan nga diri ginbabaydan.

 

“Mahugot namon ini nga ginkukundina nga mga panalapas han tawhanon nga katungod nga binuhatanan han militar ngan nangangaro kami hin dagmit nga kasolbaran ngan hustisya, gin-aaghat namon an ngatanan nga naugop han demokrasya ngan kahimyangan nga atuhan ngan ibuksas ini, sugad man dako nga ayat han pamunuan han CHR-8 nga dagmit nga aksyonan ini,” pagtatapos ni Lebico.

 

Mga Panhitabo:

1. Dida han Agosto 23, 2010 an mga tanom nga humay nga gin-again han mga sundalo tikang ha Brgy. Paco, L. Empon, Capotoan ngan Cuenco in ira gintamak-tamakan. Partikular an humay nga tanom nira Brgy. Kapitan Alex Obiado han Brgy. Capotoan (3/4 ka ektarya), kanda Naty Llana han Brgy. Paco (1/2 ektarya) ngan Brgy. Kapitan Cherry Avellano han Brgy./ L. Empon (1/2 ektarya) upod na an iya mais nga tanom. Maabot 16 nga mga sundalo an nagtamak-tamak han mga kahumayan.

2. Han Agosto 23, 2010 asya la gihap nga petsa, banda ala-una han kulop, waray na tawo ha uma ni Kagawad Jimmy Garson. Mayda umulpotnga mga sundalo (4) ka bug-os ha payag ni Kagawad Garson. Nagpurot hin duha nga manok, kahuman ginrikisa an payag ngan pagkalakat nagdara pa hin bugas. Ginpanlabog ha gawas han payag an mga gamit ni kagawad sugad han banig, sako ngan mga dugnit.

3. Agusto 27, 2010 – nahitabo an haluag nga danyos ha kahumayan han mga parag-uma ha bungto han Matuginao, Samar han landingan ini han helokopter ngan an pagsinuyodsuyod ha mga humay han mga nag-ooperasyon nga mga sundalo. Umabot ini hin walo nga umhanan an nadanyos.

4. Diri pa liwat magbubulan tikang hito nga panhitabo, dida han Setyembre 18, 2010, banda ala-sais han aga. Kumadto ha uma hira Aurelio Acuin ngan Roberto Elizalde. Nakakita hira hin lutop hin combat nga gintutuohan nira nga mga sundalo.

5. Han Setyembre 19, 2010 banda alas-kwatro han kulop nagtubong hi Otoy Giray (18 years old) han ira baktin. Umulpot in maabot pito (7) nga mga sundalo. Ginpakianhan kon tikain hiya. Nagbaton nga makadto hiya ha ira uma para pagtubong han ira baktin. Tigda nga ginkwelyuhan, ginpalubas an iya bado ngan gin-video kahuman ginkaragtatawaan hiya han mga sundalo. Nagpakiana an mga sundalo kon hain an kampo han mga NPA (New Peoples Army) pero nagbaton hi Otoy nga diri hiya maaram.

6. Setyembre 20, 2010 – nagbaligya hin abaka ha Brgy. Poponton hi Jaypee. Kahuman magbaligya, kumadto hiya ha iya uma ngan nagdakop hin manok para isusura. Nakakalagiw an manok tikadto ha guba an rumba. Ginlanat niya an manok pero imbes manok niya an mahikit-an, nakakita hiya hin mga 17 nga sundalo. Ginpakianhan kon taga diin hiya. Nagsumat nga taga Brgy. Cuenco hiya. Pero waray tumuod an mga sundalo kay tagalong an iya kayakan sanglit ginkastigo hiya. Gintamakan an sugbong ngan ginpapansuntok ha iya tagiliran. Kahuman gintutukan hin M16. Ginlalambahan na unta hiya hin M203 pero ginpugngan an usa nga sundalo han iya igkasi-sundalo la liwat.

7. Dida han petsa 21 han Setyembre 2010, umagi ha Brgy. L. Empon an masobra 43 nga mga sundalo. Tikadto an ira ruta ha bungto han Las Navas. Ha presente aadto hira naukoy ha Multi-purpose building ha Las Navas.

8. Setyembre 20, 2010 – aga, walo nga sundalo an kinada ha balay nira Rosalie Gagbo, 30 anyos, asawa ni Brgy. Kagawad Nilo Gagbo, 41 anyos. Ha atubangan han iya tulo nga anak, gin-imbestiga han mga sundalo hi Rosalie hiunong ha mga NPA nga nakada kuno ha ira lugar. Tungod han kahadlok, waray makabaton hin maupay hi Rosalie ngan ginbalbag hiya hin kahoy ha iya liog. Didto nagtikang an panangis han kabataan nga mayda edad, 4, 2 ngan usa ka tuig. Dinugang an kahadlok ni Rosalie ngan kabataan ha ura-ura nga panarhog han sundalo – gintutukan hira hin pusil nga armalite ngan ginkablit ini pero waray bumuto. Pinangawat pa han sundalo an ira duha nga manok ngan usa nga sundang. Katima, ginpirit hi Rosalir nga pumirma ha usa nga kasuratan nga waray hiya kastiguha han mga sundalo. Tubtob gab-I an panangis han mga bata tungod han grabe nga kahadlok. Pakalabay hin usa ka semana, binalik an mga sundalo ha Brgy. Casapa. Ginbiling nira an usa nga anak ni Rosalie ngan NIlo nga may edad 7 anyos ngan ginpipirit ini nga pumirma komo testigo nga waray pagkastiguha an iya nanay ngan kabugtoan.

9. Setyembre 20, 2010 – sumulod an sobra 20 nga element han 34th Infantry Batallion ha Brgy. Bunga. Ha sakob han usa ka semana, nagkakalakat pagkaaga an mga sundalo ngan pagkakulop nagkakabalik hira ngada ha baryo. Samtang nagbibinalik-balik an mga sundalo sige an ira pangutang ha tindahan han mag-asawa nga Irene ngan Joboy Pacios. Inabot hin harani P4,000.00 an pinangutang han mga sundalo nga bugas, softdrink, biskwit, sardinas ngan bisyo nga sigarilyo ngan irimnon nga Colt 45. Kahuman han ira operasyon ha baryo, bugas la an ira ginbayaran samtang an iba pa nira nga baraydan naabot pa hin P2,200.00. gin-aaroan ni Pacios hin ID an sundalo nga nangutang pero waray man ini paghatag sanglit nagpakilala la ini ha ngaran nga “Jek”. Duda liwat an tag-iya han tindahan ha sugad nga ngaran kaya naghatag liwat an sundalo hin ngaran nga “John Oblino”. An sering la han sundalo, aada na nira iimpase hiton utang ha ira pagbalik pero waray man klaro ginsering kon san-o hira mabalik. Han bagan diri pa sadang an pangutang, pinangawat pa han sundalo an ipanarabo o ibaraligya nga dagko nga kapayas ngan tubo nira Arcenia ngan Jose Labong. Nahibang pa an ira anihon nga humay kay gintarap-tarap han mga nagpaka-combat nga mga sundalo. Ginkawat liwat han mga sundalo an usa ka sako nga bilanghoy nga igbaraligya nira Remedios ngan Gabriel Pacleta. Kaupod pa nga kinawat han sundalo an usa nira nga manok.

P-NOY NAGPAPAKABUTA-BUNGOL HA HINGYAP HAN MGA PARAG-UMA

TACLOBAN CITY – Kabaliktaran han ginyakan ni Pres. Aquino nga kuno Mayroon na po kayong gobyernong hindi kayo binabalewala o inaapi ” an inaabat han sektor han mga parag-uma sanglit natuo an mga parag-uma nga nagpapakabuta-bungol an aton presidente ha maiha na nga hingyap han mga parag-uma nga magkaada kalugaringon tuna ngan talwas han grabe nga pag-abuso militar ha kabaryuhan sugad nala han nahinanabo mismo ha Hacienda Luisita.

 

“Diri namon maintendihan an pahayag ni P-Noy ha iya syen (100) ka adlaw kumo presidente, ambot kun indirekta niya nga karuyag sidngon nga an kawarayan tuna ha mga parag-uma ngan militarisasyon ha kabaryuhan an iya palisiya ha iya administrasyon labi na mismo kay waray niya mahesgoti an amon sektor,” pahayag ni Nestor Lebico, Secretary-General han SAGUPA-SB.

 

Pagmalatumat pa ni Lebico nga kun magpapadayon an kawaray tuna han kadam-an han aton populasyon nga ginkukumponer han sektor han parag-uma, magpapadayon an kagutom ngan kakablasan han katawhan Pilipino ngan an iya ginhahambog nga pag-uswag han aton ekonomiya in magpapabilin nga diri aabaton han katawhan sugad han naglabay nga mga rehimen.

 

Nagpapabilin nga pito (7) ha napulo (10) nga parag-uma ha aton rehiyon in waray kalugaringon tuna nga gin-uumhan kun sugad nagpapasaop kun diri man nagpapasuhol han iya kusog pagtrabaho ha uma an kaurugan han aton populasyon.

 

Pagsaysay pa ni Lebico nga ha naglabay pala nga semana ginbuksas han mga parag-uma nga nagtitikang ha Weste ngan Norte han Samar an grabe nga pagbayolar han tawhanon nga katungod han mga parag-uma sugad nala han pangangastigo, pangawat, iligal nga pag-aresto, iligal nga pagrikisa, interogasyon, paghulga ha kinabuhi ngan pagruba han mga pananom labi an humay.

 

“Imbes tuna ngan tinuod nga suporta ngan sosyal nga serbisyo an ighatag han aton gobyerno, gintatagan lugod kami hin kadugangan nga problema han grabe nga militarisasyon nga nagruruba han amon mga pananom ngan nagtatamak han amon mga tawhanon nga katungod nga mabuhi ngan umukoy hin mamingaw ngan talwas nga sosyedad,” kadugangan pa ni Lebico.

 

Mahinunumdoman nga ha naglabay nga Oktubree 7, 2010 in gindumara an ika-100 ka adlaw han paglingkod ni Pres. Aquino kumo namumuno han aton nasud nga magpapakita kunta han kabug-osan niya nga palisiya ngan programa para salbaron an kabutangan han aton ekonomiya ngan katawhan Pilipino.