HAMLETTING AN GINHIHIMO HAN 19TH IB HA BRGY. TABANGUHAY, ALANG-ALANG, LEYTE

TACLOBAN CITY – Diri maididiwara an kamatuoran nga Hamletting an ginhihimo han 19th IB ha Brgy. Tabanguhay, Alang-Alang, Leyte tungod ginkukontrol han militar an pagsakob gawas han mga tawo ha baryo pinaagi hin pagpapala-logbook ha ira libro kaupod an pagkapkap ha lawas han tawo.

“Ha kamaiha nala nga pag-ukoy ha butnga mismo han baryo ha Brgy. Tabanguhay in klarado na nga pagtalapas han tawhanon nga katungod tungod kay gindidire ini ha internasyunal nga balaud diin kaparte an Pilipinas ha pag-implementar hini” pahayag pa ni Nestor Lebico, Secretary General han Samahan han Gudti nga Parag-uma o SAGUPA-SB.

Pagmalatumat pa ni Lebico nga ginpipirit han militar nga pugngan an pag-ato han mga parag-uma ha kaso han pangangagaw hin tuna ni Justice Cheng Veloso ha 429 ektarya nga tuna ha maabot 144 nga pamilya hin kablas nga parag-uma nga kadam-an mga taga Brgy. Tabanguhay han Alang-Alang, Leyte.

Pagsaysay pa ni Lebico nga ginhaharas an mga kaapi han organisasyon han parag-uma nga biktima han pangangagaw han tuna ni Veloso in danay paglibotan han mga militar an ira balay labi na kun gab-i

“Padayon nga ginbubuhat han 19th IB kaupod an mga goons ni Justice Cheng Veloso an maitom hini nga gawi 39 na ka anyos an nakalalabay tikang igdeklara an Martial Law ha bug-os nga Pilipinas”, pagtatapos ni Lebico.###

Advertisements

NAGPAPADAYON NGA MILITARISASYON AN TATAK HAN MARTIAL LAW 39 NA KA ANYOS AN NAKALALABAY

TACLOBAN CITY – Nagpapadayon ha nawong han grabe nga militarisasyon labi na ha kabaryuhan, an Martial Law yana nga adlaw, September 21, 2011, 39 na ka anyos an nakalalabay tikang ig deklarar ini han Diktador nga Presidente Marcos.

“Waray mabaro ha aton kasaysayan an aton gobyerno nga sayop an ginpipinatuman nga militarisasyon ha kabaryuhan labi nga an napipiligro hini an kinabuhi ngan pakabuhi han aton mga kablas nga parag-uma nga asya an nagpapakaon han bug-os nga katawhan Pilipino”, pahayag ni Nestor Lebico, Secretary General han Samahan han Gudti nga Para-uma ha Sinirangan Bisayas o SAGUPA-SB.

Pagmalatumat pa ni Lebico gindeklara han rehimen US-Marcos an Martial Law para kuno sugpuon an insurhensiya ha aton nasud nga ha kamatuoran diri ini mapaparong kun diri anay solbaron an ugat han kakurian han katawhan labi nga ha pagkayana nagpapadayon an mga pan-ekonomiya nga palisiya nga gindikta han Estados Unidos tikang pa han panahon ni Marcos.

Ha pagkayana nga panahon han rehimen ni Aquino, nagpapadayon an militarisasyon nga nagreresulta han mga panalapas han militar ha mga bungto han Burauen, Albuera, Carigara, Tunga ha Leyte ngan ha mga interyor nga bungto han Samar labi ha Las Navas han Norte nga dapit hini.

Pagsaysay pa ni Lebico nga diri tama nga solusyon ha kapobrehan, kakurian ngan kakablasan han katawhan an militarisasyon, lugod mas an kinahanglan han mga parag-uma an libre nga pagdistribwer han hagluag nga katunaan han mga dagko nga agaron maytuna ha mga kablas nga parag-uma.

“Mas angay sentrohan han aton gobyerno an pira na ka-dekada nga problema han tinuod nga reporma ha tuna nga diri nababatian mismo ha mga pulong han aton presedente nga hi Pres. Aquino nga tikang ha angkan hin mga dagko nga agaron maytuna ha aton nasud,” pagtatapos ni Lebico.###

PEACE AND DEVELOPMENT PROGRAM OF 8th ID-PA, CHAOS AND ECONOMIC DISORDER FOR PEASANTRY

TACLOBAN CITY – Peace and Development Program of 8th Infantry Division of Philippine Army is a deception to the populace particularly to the peasant sector because in reality it does not bring peace and definitely not for development to the communities. Instead they threaten the farmers by taking pictures without their consent, interrogation, forcibly installing an ID system during the presence of Psychological Warfare Teams in the community under the guise of their sugar-coated Civil Military Operations (CMOs).

“It’s really PsyWar that the soldiers of 8th ID-PA are doing since their acts do not contribute in any way and in fact hinder the attainment of genuine solutions to the worsening economic crisis of the people and to the decade problem of landlessness of the peasantry” statement of Nestor Lebico, Secretary General of Samahan han Gudti nga Parag-uma ha Sinirangan Bisayas (SAGUPA-SB, Regional Peasants Alliance in Eastern Visayas).

8th ID soldiers spent reasonable time for the training on psychological warfare under 4th Special Forces Regiment with the leadership of Captain Elmer Namocat based at Leyte and other CMO battalion at Samar particularly at Las Navas, Northern Samar.

Lebico added that 8th ID is taking great effort in concealing their fascist character particular at the media but in reality they are hamletting communities by controlling the activities of the farmers through curfew imposition, restriction of rice/food supply to be brought to the farms and to the extent of guarding them at the farms; exploiting women by courting married women and committing rape to those who resist; removing bowels at the rivers, forcing the farmers to sign documents not to join progressive organizations, using civilian as guides during their operation and even threatening the lives of the peasant-leaders.

Lebico moreover added that aside from the pretence that the military are showing they are overindulging and even acting the roles of some of the officials of the government agencies and Local Government Units mostly in the barrios and municipalities as if the latter are inutile.

“This is militarizing over civilians and civilian authority bringing more chaos and economic disorder; not peace and development,” Lebico ended. ###

PAG-CENSUS, PAGKUHA PICTURE, PAGHATAG HIN MGA IDENTIFICATION IN PANHULGA HA MGA PARAG-UMA NGAN DIRI PEACE AND DEVELOPMENT HAN 8ID-PA

TACLOBAN CITY – Pangunguwat ha katawhan labi na ha mga parag-uma an ginsesering nga Peace and Development han 8th Infantry Division-Philippine Army (8ID-PA) tungod mas panhulga an ginbubuhat han mga sundalo ha mga parag-uma ha ira pangunguha hin picture, pag-interogar ngan paghatag hin ID ha mga pumasar ha ira screening ha panahon han ira Civil Military Operation (CMO) o an Psywar Team nga nag-uukoy ha mga barangay hin maiha nga panahon.

“Tinuod nga Psychological Warfare an ginhihimo han mga sundalo han 8ID-PA tungod diri ini nagbabaton han tinuod nga solusyon han kakurian han katawhan labi na an kawarayan kalugaringon tuna ha mga parag-uma nga mayoriya han aton populasyon” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Nag-agi hin maupay nga trining an mga pwersa han 8ID-PA ha ginsesering nga Psychological Warfare labi na ha pangunguna han 4th Special Forces Regiment ni Capt. Elmer Namocat nga nakabase ha Leyte ngan iba pa nga CMO batallion han 8ID-PA ha Samar labi na ha Las Navas han Norte Samar.

Pagmalatumat pa ni Lebico nga pirit nga ginhahamisan han 8ID-PA an pasista hini nga nawong labi na ha media pero ha kamatuoran ginkokontrol an mga gios han parag-uma, nagpipinanguyab labi na ha may asawa, pag-rape ha kababayen-an, nangunguro ha salog, pirit nga pagpapirma nga diri na umapi ha mga progresibo nga grupo, paghimo nga giya ha mga parag-uma ha ira mga operasyon ngan paghuhulga ha kinabuhi labi na an mga lider parag-uma.

Pagsaysay pa ni Lebico nga labot han pakitang-tao nga postura nga ginhihimo han mga militar, ginsasapawan ngan ginpapapelan pa hini an mga trabaho mismo han mga ahensya han gobyerno ngan labi an mga Local Government Unit (LGU)  nga baga-baga hin mga inutil an aada hini ha mga bungto ngan baryo.

“Militarisasyon ini ha sibilyan nga otridad, mas nagpapagrabe pa lugod ini han kakurian han katawhan ha aton rehiyon”, pagtatapos ni Lebico.###

IBA AN GINPAPAKITA HA BUHAT HAN MGA TROPA HAN 19TH IB HA MATAM-IS NGAN MAPAN-UWAT NGA PULONG HAN IRA COMMANDING OFFICER NGA HI LTC FRANCIS CABUGON

TACLOBAN CITY – Iginpakita kakulop nga adlaw (September 12, 2011) han Municipal Farmers Association of Carigara o MUFAC an madig-on nga panawagan nga paiwason an mga sundalo ha kabaryuhan han Carigara tungod han pagkahadlok ngan diri pakag-uma han mga parag-uma, ha ira dayalogo giutan han organisasyon, municipal Mayor Trinidad Apostol han Carigara ngan an Commanding Officer (CO) han 19th IB nga hi LTC Francis Cabugon.

Matam-is ngan mapan-uwat an mga pahayag ni LTC Cabugon pero iba naman ini an ginpapakita han iya mga tropa tungod nagpapadayon an presensya han mga militar ngan mga sywar labi na an pagpinan miling han kaapihan han MUFAC ngan mga opisyales hini ha sobra napulo (10) nga baryo han Carigara, Leyte.

“Ginsisimang ni LTC Cabugon ha pagbaton nga usa han kawsa han kakurian han mga parag-uma ha Carigara, Leyte an grabe nga militarisasyon ha kabaryuhan, lugod waray klaro an iya ginsesering nga peace and development kun mismo an mga sundalo an naghahaharas ha mga parag-uma ngan waray Tinuod nga Reporma ha Tuna ngan mga batakan nga sosyal nga serbisyo ha katawhan”, pahayag ni Nestor Lebico, Secretary General han Samahan han Gudti nga mga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga an halaparan nga militarisasyon ha kabaryuhan yana in kaparte han Oplan Bayanihan nga ginsesering han militar ngan waray ini pinag-iba han Oplan Bantay Laya han masirom nga rehimen ni Arroyo kay tungod mas nagtikagrabe pa lugod ngani an militarisasyon ha bug-os nga rehiyon-8 labi na an tulo (3) nga probinsya han Samar ngan mismo denhe ha Leyte nga ginkukunsentrahan an mga bungto han Carigara, Tunga, Jaro, Ormoc, Kanangga, Burauen ngan Albuera.

Mahanunumdoman nga napugos an militar ha pamumuno ni LTC Cabugon han 19th IB nga umatubang ha dayalogo nga ginpatawag ni Mayor Trinidad Apostol ha kaapihan han MUFAC, nga hadi nga naglabay nga mga adlaw in waray makighampang han kadtuon han mga opisyales han MUFAC an ira kampo para ig-esplikar anu an koneksyon nira ha mga death treat ngan harassment ha mga kaapihan ngan opisyales han MUFAC ha pahayag han CO han 802nd Brigade nga hi Col. John Bunapos nga kuno an organisasyon han MUFAC in usa han mga rason kay ano nagpapabilin an grupo han mga New Peoples Army o NPA ha Leyte.###

MGA SIBILYAN AN GINTATARGET HAN OPERASYON HAN 802ND BRIGADE HA CARIGARA, LEYTE

TACLOBAN CITY – Lantaran nga ginpahayag han tagapagyakan han 802nd Brigade kakulop nga adlaw ha usa nga stasyon hin radyo an pagtutudlok han Municipal Farmers Association of Carigara o MUFAC nga kaparte han ira rason kay ano kuno nagpapadayon an pag-eksister han mga rebelde nga grupo ha probinsya han Leyte, nagpapaklaro la ini nga sibilyan an target han 802nd Brigade ha mga operasyon nira ha Carigara, Leyte.

Black and White ini nga pahayag para tagan signal an unit under han 802nd Brigade nga targeton an mga kaapihan han MUFAC labi na an mga lider hini, ngani san-o magpahayag an tagapagyakan han 802nd Brigade ginhulga na an mga kinabuhi han tulo nga nangunguna nga mga opisyales han MUFAC hin surat nga ginlabay ha ira mga panimalay.

“Magpapabilin la nga matam-is nga mga pulong an ginhahambog han rehimen Aquino nga Oplan Bayanihan han militar kun padayon man la nga ginhahatag ha mga parag-uma an grabe nga militarisasyon ngan diri lugod an tinuod nga reporma ha tuna ngan mga batakan nga sosyal serbisyo sugad nala han nahitatabo ha Carigara, Leyte”, pahayag ni Nestor Lebico, Secretary General han Samahan han Gudti nga parag-uma ha Sinirangan Bisayas o SAGUAPA-SB.

Ha yana pala nga semana in nagpapadayon an grabe nga operasyon han militar ha Carigara, Leyte nga nagpoposisyon ha sobra napulo (10) nga mga baryo nga nagresulta han diri pakagtrabaho ha uma ha kabukiran tungod kay gintatahapan nga New People’s Army o NPA an hin-o man nga maabtan ha bukid nga parag-uma.

“Mas nagpapagrabe pa lugod han kakurian nga gin-aabat ha parag-uma han Carigara, Leyte an mga operasyon han militar, umabot nala ha P150.00 an kita ha pag-uma (suhol ha pag-uma) ha kada semana tikang ha P500.00 han nakalabay nga tuig 2010, apisar ini han P1,685.00 nga gastos han kada semana ha usa ka pamilya”, pagtatapos ni Lebico.###