MANNY PACQUIAO HAS A MORAL GROUND COMPARE TO THE LEADERS OF OUR GOVERNTMENT ON THE ISSUE OF ERADICATING POVERTY

TACLOBAN CITY- After the recent triumph of the People’s Champ Manny Pacquiao against Shane Mosley last May 08, 2011, peasants of the entire Region-8 reinforced the call to eradicate the long-standing problem on poverty of the Filipino people.

The peasants of region-8 are convinced that Manny Pacquiao has a moral ground on the call to eradicate the poverty of the Filipino people compared to the leaders of our present government, in view of the fact that the People’s Champ becomes a billionaire from his own strength and not from exploiting other people especially corrupting the people’s money.

“Despite the fact that we dislike the color yellow because it exemplifies the landlords that monopolize our agricultural land, we are more interested on his call against poverty” said Nestor Lebico, Secretary General of Samahan han Gudti nga Parag-uma ha Sinirangan Bisayas (SAGUPA-SB).

Lebico also added that the government has no genuine solution to solve the problem of small farmers in Region 8 particularly on poverty. Instead of genuine and sustainable solution, the government initiated the Pantawid Pamilyang Pilipino Program or 4P’s as band aid solution.

“We are encouraging the People’s Champ Manny Pacquiao to convince and spearhead the leaders of our government especially President Noynoy Aquino that  genuine programs and immediate actions are necessary to eradicate the poverty of the Filipino people specially on the genuine land reform issue” Mr. Lebico ended. ###

Advertisements

MANNY PACQUIAO MAS MAYDA MORAL GROUND KONTRA HA NAMUMUNO HA ATON GOBYERNO HA PANAWAGAN HA PAGPARA HAN KAPOBREHAN

TACLOBAN CITY – Ha pinakabag-o pala nga pagdarag-an han People’s Champ Manny Pacquiao kontra kan Shane Mosley kakulop nga adlaw, ginsusuportahan han mga parag-uma ha bug-os nga rehiyon-8 an iya panawagan nga paraon na an maiha nga kapobrehan han katawhan Pilipino.

Kumbinsido liwat an mga parag-uma ha rehiyon nga mas mayda moral ground hi Pacquiao kontra han namumuno ha aton gobyerno yana ha pagpanawagan nga paraon na an kapobrehan han katawhan tungod una nahimo nga bilyonaryo hiya tikang ha iya kalugaringon kusog ngan diri tikang ha paniniyupi ha iba labi na ha grabe nga kurapsyon han kaban han katawhan Pilipino.

“Bisan paman nga diri namon ayon an kolor nga yellow tungod kay nagrerepresentar ini han mga Asyendero nga nagmomonopolyo han tuna ha kaumahan, mas interesado kami han iya panawagan kontra kapobrehan,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga waray nakikita nga tinuod nga solusyon ha gobyerno an mga parag-uma ha rehiyon ha pagsolbar han kakurian lugod mga panhaklop la nga solusyon ngan diri panmaihaan nga solusyon sugad nala han Pantawid Pamilyang Pilipino Program o 4 P’s.

“Gin-aaghat namon hi Pacquiao nga manguna ha pagpahibaro ha namumuno ha aton gobyerno labi na ha aton presidente nga tinuod nga programa ngan aksyon an kinahanglan para mapara na an kakurian han katawhan Pilipino labi na an pagpapatuman han Tinuod nga Reporma ha Tuna,” pagtatapos ni Lebico.###

REPORMA HA TUNA DIRI UPOD HA PAKIANA HA PINAKABAG-O NGA SURBEY HAN SOCIAL WEATHER STATIONS (SWS) HA RATING NI P-NOY

TACLOBAN CITY – Batakan nga mga problema han katawhan kinahanglan kaupod ha pagsurbey para makita an tinuod nga pagserbisyo han aton mga opisyal han gobyerno labi na an aton presidente, magseseguro ini nga diri pakitang tao an ginhihimo ngan aada ha tinuod nga dalan an pagsolbar han kakurian ngan kakablasan han katawhan Pilipino.

Ha pinakabag-o pala nga surbey nga ginpagawas han SWS han May 3, 2011 ha rating ni P-Noy umubos ini hin 18% tikang ha +64% han nakalabay nga Setyembre-Nobyembre 2010 ngadto ha +46% yana nga Marso 2011, pero hini nga paghamubo diri ini upod ha mga pakiana ha pag-surbey an kabahin han pagsolbar han problema ha monopolyo ha tuna ha bug-os nga nasud.

“Kun diri gin-uupod an mga batakan nga problema han katawhan ha pag-surbey han rating ha aton mga opisyal han gobyerno labi na an aton presidente, magpapadayon an mapan-uwat nga mga programa han aton gobyerno ngan matatahuban an tinuod nga rating han katawhan ha aton mga namumuno han aton gobyerno,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico, basar han SWS duha (2) han pinakaubos nga rating han aton presidente amo an isyu han pagsolbar han kagutom nga aada la +5 ngan pagsolbar han implasyon o paghinitaas han mga batakan nga mga papliton nga aada zero (0).

Pagklaro pa ni Lebico nga ha kinse (15) nga mga isyu nga upod ha pakiana ha surbey han SWS, an pagbulig kuno ha mga pobre an pinakahataas nga aada ha +47, pero tungod pa ini han mapan-uwat nga programa han Pantawid Pamilyang Pilipino Program o 4P’s nga ginhahambog ni P-Noy nga asya an solusyon han kakurian han katawhan Pilipino.

“Tinuod nga reporma ha tuna an yawe nga solusyon han kakurian han katawhan Pilipino nga mayorya nga ginkokomponer han mga parag-uma ha kabaryuhan, kun diri upod ini ha programa ni P-Noy mas karuyag namon nga (negative) -46% an grado niya,” pagsaysay pa ni Lebico.

Mahanunumdoman nga gindepensahan han Palasyo an nagtitikaubos nga rating han aton presidente tungod pa kuno kay asya ini an normal nga natatabo ha usa nga presidente bisan ha naglabay, waray pa maklaro lugod nga diri natutuman an mga saad han mga naglabay nga namumuno han aton gobyerno sugad kan Presidente Aquino yana.###

PAGBASURA HAN OIL DEREGULATION LAW USA NGA YAWE NGA SOLUSYON HAN PAGHINATAAS HAN PRESYO HAN LANA NGAN MGA BATAKAN NGA PAPLITON

TACLOBAN CITY – Naninindugan an ANAKPAWIS Party-list Eastern Visayas Chapter (ANAKPAWIS-EV) nga kinahanglan ha pinakamadagmit nga panahon mabasura na an Oil Deregulation Law o Republic Act 8479 ngan an pagsertipika nga urgent para himuon na nga balaud an House Bill 4317 o pag-repeal han Oil Deregulation Law.

Yana pala nga adlaw naghataas hin P1.25 kada litro an presyo han gasolina han mga dagko nga kompanya han lana ha aton nasud ha luyo ini han paghamubo ha world market han krudo tungod han pagkamatay ni Osama Bin Laden ha Pakistan.

“Ha sobra na usa kadekada nga nag-eksister an Oil Deregulation Law nga balaud, bilyon-bilyon na an nahimo nga super tubo han mga kartel ha lana sugad han Petron, Shell ngan Chevron. Bilyon-bilyon liwat kada tuig an nawawara nga salapi han katawhan Pilipino tungod han waray wantas nga paghinataas han mga batakan nga papliton nga epekto han diri makontrol nga presyo han lana,” pahayag ni Frank Falguera, Secretary General han ANAKPAWIS Party-list Eastern Visayas Chapter.

Pagmalatumat pa ni Falguera nga dida han tuig 2008, usa ka dekada tikang mahimo nga balaud an Oil Deregulation Law han 1998, umabot hin P268.8 billion an kita han Petron Corp. kumo numero uno nga korporasyon ha bug-os nga Pilipinas nga ha kada tuig sobra 20% nga nahataas pa an kita hini.

Dugang pa ni Falguera nga yana nga panahon tungod han katorse (14) na kabeses nga pag-umento han lana yana pala nga timprano han tuig 2011, dagmit nga nagsirit liwat an mga batakan nga papliton sugad han tinapay, gas, utanon, bugas, delata ngan damo pa nga iba nga nagpapagrabe pa han mas nalulubong nga kakurian ngan kagutom han katawhan ha bug-os nga rehiyon-8.

Pagsayod pa ni Falguera nga waray pulos ha katawhan an ginhihimo nga subsidyo han gobyerno ha mga driver ngan iba pa nga sektor tungod kay inutil ini ha padayon nga paghinataas han presyo han lana, natabunan na an pira ka pesos nga iginhatag ha mga driver hadi pa nga paghataas han diesel ngan gasolina.

“Ha sobra P8.00 pesos nga pag-umento han presyo han gasolina tikang han Enero yana nga tuig, napapanahon na nga abrehan an libro han mga kartel ha lana para makita an sobra-sobra nga pag-presyo, kuhaon ha mga kartel an P10.5 billion nga ginhatag nga insentibo ngan tax credits ngan panhimulusan ini han katawhan Pilipino, tanggalon an 12% Value Added Tax (VAT) ha lana ngan an pagnanasyunalisa na han industriya han lana ha aton nasud,” pagtatapos ni Falguera.###