Balaud nga TRAIN ni Duterte, dugang nga pakuri ha mga parag-uma!

News Release

Pebrero 3, 2018

 

Nangangaraba an sektor han mga parag-uma ha paghataas han mga presyo han mga batakan nga papliton pinaagi han Tax Reform Acceleration and Inclusion (TRAIN) nga iginsabalaud antes matapos an tuig 2017. Sumala ha Samahan han Gudti nga Parag-uma ha Sinirangan Bisayas, pinakamaapektuhan hini nga balaud an mga parag-uma tungod han paghataas han presyo han mga adlaw-adlaw nga mga panginahanglan samtang nagpapabilin nga hamubo an presyo han ira mga produkto ngan hataas an ira kinahanglan nga kapital ha pagmentine han ira pag-uma sugad han renta ha tuna, usura ngan iba pa.

Subay han pag-aram han Sagupa SB, nakita la hin average nga P60.07 kada adlaw o P1,817.75 kada bulan an usa nga parag-uma ha Sinirangan Bisayas nga kulang ngan diri sakto para makasapar han gastos hin usa nga average nga pamilya nga may lima nga miyembro. Kulang hin duro ini nga kantidad para ha pagpalit han mga produkto nga singko pesos o sobra pa an igin-umento ngan an pagpalit liwat han gasolina ngan diesel nga kinahanglan ha pag-uma ug sugad man han iba pa nga yutilidad sugad han kuryente ngan pamasahe.

“Klaro nga panhuthot la an ginhihimo hini nga administrasyon ni Duterte. Diri na pabor ha kadam-an han mga Pilipino, han mga parag-uma an balaud nga iya iginpasa. Padayon nga mariko an kaguti-ay nga porsyento han populasyon han nasud samtang namamatay an kadam-an nga mga pobre”, sumala kan Sagupa SB Secretary General Jun Berino.

Impokrito ngan waray man daw pulos an pamaagi han gobyerno nga maghatag hin P200 nga unconditional cash transfers han 10 milyon nga mga pobre ha nasud yana nga 2018 sumala ha Sagupa SB. Mahitaas ini hin P300 kada bulan ha 2019 ngan 2020. Hini nga kamutangan, ginaamin han gobyerno nga papakurian han TRAIN Law an mga Pilipino. “Diri sakto an sensilyo nga kwarta nga ihahatag han gobyerno para ha milyon-milyon nga mga parag-uma nga nagugutom ngan namamatay tungod hini,” dugang pa ni Berino.

Diri naman makaka-benepisyo an mga pobre nga rehiyon sugad han Sinirangan Bisayas nga ika-duha nga pinaka-pobre nga rehiyon ha bug-os nga nasud han programa nga “Build, Build, Build” ni Duterte kun diin naka-konsentra an kadam-an nga magiging mag proyekto hini ha mga rehiyon nga mas hamubo an poverty incidence rate. Ha sugad, diri ini makakabulig ha pag-uswag han Pilipinas nga usa nga agrikultural nga nasud ngan kun diin kadam-an han mga pinaka-pobre nga mga rehiyon in mga agrikultural nga lugar sumala ha Sagupa SB.

Iginpapanawagan naman han Sagupa SB nga atuhan ini nga mga kontra-katawhan nga programa han presente nga administrasyon. “Ha kamutangan kun diin ginpapatay mismo han gobyerno han katawhan han iya nasud, waray na iba nga bubuhaton an katawhan kundi an ipanawagan nga ibagsak ini nga rehimen,” pagmalatumat ni Berino

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s