SAGUPA-SB naglansar hin relief operation ha mga kaapi na organisasyon na parag-uma, ginsundan hin panhaharas han militar

 

Press Release

Pebrero 1, 2018

 

Dida han Enero 21 ngan 29 yana na tuig, nanhatag relief an Samahan han Gudti nga Parag-uma ha Sinirangan Bisayas (SAGUPA-SB) ngan kabulig an CERNET INC. ha mga kaapi na organisasyon na parag-uma ha Leyte nga ginbahaan tungod han sunod sunod na mga bagyo nga umagi dinhi ha rehiyon 8. Nakapanhatag hin 200 packs na an sulod, bugas, monggos ngan mga liso nga mga utanon sugad han ampalaya, hantak, pechay, okra ngan tarong nga pwede nira matanom para maging surok han ira pagkaon.

Sumala kan Jun Berino, pagkabuwas han kahuman han panhatag relief ha Sitio Biga-a, mayda umabot na ginkikilala na Alex Mendoza nga kaapi han militar na nagkakampo ha Brgy.Rubas, Jaro, Leyte. Nagbibiling ha mga lider parag-uma ngan nagpipinakiana kun ano na organisasyon an nanhatag han relief ngan nagpipinakiana kun ano it ira organisasyon na amo na an Alang-alang Small Farmers Association (ASFA) nga usa na organisasyon han mga parag-uma.

Dugang pa kan Jun Berino, nagyakan ini na Alex Mendoza ha mga residente han Sitio Biga-a na ini na iyo barangay masusugad hin Marawi.

Dugang pa kan Jun Berino, usa ini na porma han panhaharas han militar ha mga parag-uma komo ginquesuestion an ira mga aktibidad it usa nga militar. Diri la ini makausa nga nahitabo ha nayakan nga barangay kay han naglabay nga tuig, ginharas gihap ini na barangay katapos gihap manhatag relief an SAGUPA.

Ginpapanawagan han SAGUPA-SB na ig-undang an panhaharas han mga militar ha mga parag-uma ngan I-undang gihap an militarisasyon ha kabaryuhan.

Ha kadugangan na mga pakiana, pwede niyo kontakon hi Jun Berino (09066700578)

 

 

Jun Berino
Secretary General, SAGUPA-SB

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s