TACLOBAN CITY – Mahusay na nga ginpipinatukar nira Enrile ngan Belmonte ha Senado ngan Kongreso ugsa pa an SONA ni P-Noy an isyu han Charter Change o “cha-cha” o pagbalyo han presente nga konstitusyon han Pilipinas para tugutan an langyaw nga kapitalista manag-iya hin tuna ug 100% ha iba pa nga negosyo dinhi ha Pilipinas. 

An hisgutanan hiunong han Cha-cha, diri ungara han katawhan Pilipino labi na ha sektor han parag-uma. Diri ini asya an tukar nga karuyag nga paghisgutan ha Kongreso ngan Senado kundi an pagkaada hin tinuod nga reporma ha tuna pinaagi han GARB o Genuine Agrarian Reform Bill,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas (SAGUPA-SB).

 An langyaw nga kapitalista interesado nga makalusot ha ira kalugaringon krisis ha ekonomiya nga kun diin haros waray na pagtubo an ira kapital . Para ha ira, labaw nga mas maupay an pag negosyo nala dinhi ha Pilipinas kun diin damu an hilaw nga rekurso, damu an mamaralit hin produkto, barato an bayad ha trabaho, may mga insentibo ha buhis, may 100% nga repatriasyon han ganansya ngan iba pa.

Waray tagara ni P-Noy nga daku nga parte han pag-uswag ha Pilipinas- diri la ha datos pinansyal ha estadistika, pero ha paagi han inaabat mismo ha tiyan o panlawas han pamilya han kadam-an nga naka-depende ha pagkaada hin kalugaringon tuna nga pag-uumhan ug may komprehensibo nga bulig tikang ha gobyerno”, dugang nga pahayag ni Lebico.

 “An pag-abri ha langyaw nga kapitalista manag-iya hin tuna ha Pilipinas magpapahitaas han balor han tuna nga pabor ha mga agaron maytuna pero dugang nga magpapakuri ha pobre nga mga parag-uma magkaada hin kalugaringon tuna para matalwas an ira kalugaringon ha kagutom ug kakablasan,” pagmalatumat pa ni Lebico. 

 “Ini nga plano ni Enrile ug Belmonte nga sekreto ginsusuportahan ni Presidente Noynoy Aquino III mag-aabri hin dugang pa nga panginlabut han langyaw nga kapitalista ug gobyerno ha konteksto han pagpauswag han Pilipinas. Dugang liwat ini nga pagtalapas han soberanya han Pilipinas, sanglit kaangayan la nga atuhan ngan pakyason an larang ni P-Noy nga amyendahan an aton Konstitusyon,” pagtatapos ni Lebico.###

 

Image

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s