TACLOBAN CITY – Hul-os na nga ginsusurender han aton gobyerno ha Estados Unidos an aton soberanya, pinaka-urhe pala nga nahitabo an pagbisita ni P-noy kan Obama han Hunyo 8-9, 2012 ha US para ipinal na an mga usa-ka-gapil nga kasarabutan sugad nala han pagbubutang hin sistema nga radar han US ngan pagtutugot han mga killer drones ha aton nasud.

Tungod hini an tikatarapos na kuno nga PP12 ha Isla han Samar in usa la nga panguna nga pitad han US para han hul-os nga interbensyon ha aton nasud.

“Napamatud-an na ha kasaysayan nga an panginginlabot han US ha mga pobre nga nasud diri pagbulig kundi paggamit ngan paglimas han karikuhan hini, nahitabo na ini ha Africa, Europa ngan labi nganhe ha Asya partikular na an Pilipinas nga anay direkta nga ginsakop han US sulod hin sobra 50 anyos,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas o SAGUPA-SB.

Naka-disenyo ha Oplan Bayanihan sering paman han Commanding Officer han 8th ID nga hi General Gerardo Layug para uwaton ngan pahumukon an panhunahuna han katawhan ha rehiyon 8 labi na ha Samar komo pangandam ha urhe nga interbensyon han militar han US ha aton rehiyon, tungod pa ini nga ginkikilala nga estratehiko an Samar ha karukayaknon panmilitar nga maniobra hini ha pagdominar ha Asya-Pasipiko.

Pagmalatumat pa ni Lebico nga tungod nga waray tinuod nga plano an US-Aquino nga rehimen ha pagwara han kapobrehan labi na an hisgutanan han tinuod nga reporma ha tuna, ginagamit han US ngan rehimeng Aquino an kakablasan para kuno paupayon an imahe han militar han US pinaagi hini nga ginbubuhat nga PP12 ha aton rehiyon.

Pagsaysay pa ni Lebico nga klarado nga mayda tinatago nga aktibidad an 8th ID ngan US military ha aton rehiyon, labot han pagkakadto mismo ha mga interyor nga mga baryo han Samar komo pagpahamot ngan pagkabisar han katunaan, derektahan nga ginbubuligan ug ginigiyahan ngan ginhahasa han US military an mga sundalo han 8th ID ha kontra-insurhensiya hini nga kampanya nga amo an Oplan Bayanihan ha aton rehiyon.

Nahimo na ini han US nga magdikta ha pulitika, ekonomiya, kultura ngan labi ha military han grabe nga pagwawala han pasismo han estado ha katawhan sugad nala han diri makakalimtam nga panmatay ni General Palparan ha aton rehiyon han nakalabay nga tuig han 2005 ha basbas han US ha iginsusuka na nga rehimen ni Arroyo hadto.

“Pagtamak han aton nasudnon nga paglulugaring an ginbubuhat han US ngan rehimeng Aquino ngan mas magtitikagrabe pa ini ha maabot nga mga katuigan lapos han nahimo nga pagkatuta han mga nakalabay nga mga rehimen sugad nala han pasista nga US-Arroyo nga rehimen,” pagtatapos ni Lebico.###

Image

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s