TACLOBAN CITY – Ginhingita han mga Kongresista ha Sinirangan Bisayas ngan ANAKPAWIS Partylist Representative Rafael Mariano an suspensyon han operasyon han Nicua Mining Corporation han ginbuhat nga Committee Hearing on Environment and Natural Resources ha Kongreso dida han nakalabay nga Mayo 23, 2012.

“Kaangayan gudla nga igsuspinde hasta nga maundang an nahitatabo nga pagmimina ha MacArthur, Leyte han Nicua kay dako na an naidurot hini nga destroso ha kalibungan ngan pakabuhi ha mga tawo diri la ha MacArthur kundi ha bug-os nga rehiyon 8,” pahayag ni Nestor Lebico, Secretary-General han Samahan han Gudti nga Parag-uma ha Sinirangan Bisayas o SAGUPA-SB.

Tinambungan ni Congressman Roger Mercado han Southern Leyte, Congressman Ben Evardone han Eastern Samar ngan Congressman Rafael Mariano an ginpatawag nga Committee Hearing ha Kongreso nga kon diin positibo nga ginkarawat han komite an mga pitad nga ginplastar sugad han pagkondukta hin on-site public inquiry ha Sinirangan Bisayas kabahin han mining operations ngan agap nga pagsuspinde han operasyon han NMC ha MacArthur, Leyte. Ha pagkayana aada ha 149,535.3760 ektarya an mayda pagmina han magnetite sand o 29% tikang han kabug-osan nga lugar nga mayda aplikasyon han pagmimina.

“Hugot nga natindog an organisasyon han hul-os nga pagpaundang han pagmimina han magnetite sand ngan moratorium ha mga aplikasyon han mina ha Sinirangan Bisayas. Agap nga igsabalaud an Peoples Mining Bill of 2011. Suportahan an anuman nga mga paningkamot han katawhan para pagpugong han mapandistroso nga pagmina ha iba-iba nga lugar ha rehiyon”, pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s