TACLOBAN CITY – Garapalan nga nagpinanhatag hin usa nga surat an Mines and Geosciences Bureau o MGB 8 pinaagi ha opisina ni Mayor Rene Leria nga nagpupublikar ha mga molopyo han Villa Imelda nga an operasyon han pagmimina han Nicua Mining Corporation diri amo an kawsa han fishkill ha Lake Bito.

“Diri na kinahanglan nga magyakan hi Director Roger De Dios kon hain hiya mas naugop kasumpay han fishkill ha Lake Bito kundi mahihikit-an ini ha iya mga gios ngan mga ginpapasarang nga surat nga klarado an pag-ugop han nagdidistroso ha pakabuhian han mga tawo”, pahayag pa ni Nestor Lebico, Secretary-General han Samahan han Gudti nga Parag-uma ha Sinirangan Bisayas o SAGUPA-SB.

Apisar han ginpagawas nga resulta han Bureau of Fisheries and Aquatic Resources o BFAR 8 dida han Mayo 7, 2012 nga nagsusumat nga usa an pagmimina nga nagkontribwer han fishkill ha Brgy. Villa Imelda, MacArthur, Leyte padayon la gihapon nga gintatahuban ni Director de Dios an Nicua kasumpay han dako nga baratunon hini diri la han nahitabo nga fishkill kundi pati na gihapon an kadistroso han Pamunawan Creek nga aragianan han tubig tikang ha Lake Bito.

“Damo na nga mga bayolasyon an nahikikit-an han operasyon han Nicua pero nagpapaka-buta-bungol hi de Dios han kamatuoran nga nahitatabo lugod iya ginpoprotehiran an kompaniya. Sanglit hini nga sitwasyon, ginpapanawagan namon an mga katawhan ha Villa Imelda ngan bug-os nga MacArthur nga igpadayon an ginbubuhat nga barikada ngan waray kahadlok nga ibuksas an ka-inutil han MGB para ipaukoy an pagmimina. Padayon nga magkaurosa, atuhan an pagmimina han magnetite sand ngan protehiran an Lake Bito ha anuman nga larang han pagruba han surok paabuhian,” pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s