TACLOBAN CITY – Kontaminasyon tikang ha minahan ngan an sobra kalubog han tubig an duha ha tulo nga possible nga kawsa han pagkamatay han isda ha Lake Bito nga nahimumutang ha Brgy. Villa Imelda, MacArthur, Leyte basar han nagin resulta han pag-aram han Bureau of Fisheries and Aquatic Resources o BFAR.

“Diri na gud poyde maidiwara nga an pagmimina nga ginbubuhat han Nicua Mining Company an nagpatay han surok pakabuhian han mga molopyo ha Villa Imelda ngan kakranit nga barangay ngan bungto. Kinahanglan hira papagbatunon hini nga distroso nga ginbuhat  ha Lake Bito ngan katawhan ha MacArthur, Leyte,” pahayag pa ni Nestor Lebico, Secretary-General han Samahan han Gudti nga Parag-uma ha Sinirangan Bisayas o SAGUPA-SB.

Tikang han Marso 14 tinagdamo nga tilapia an nagkamagtay ha Lake Bito ngan nagpapadayon pa ini hasta ngada yana nga naabot na 22 metriko tonelada basar han nahirekord la han barangay. Paralisado na an income, pakabuhi ngan pagkaon han mga molopyo nga nalaom ha lawa.

“Kinahanglan na umaksyon an lokal nga pamunuan han MacArthur, Leyte nga maimbestigaran ngan maipaundang na an gnbubuhat nga pagmimina han Nicua Mining Company. Gin-aayat namon an Mines and Geosciences Bureau pinaagi han Director Roger De Dios nga maghimo hin rekomendasyon ha MGB National nga ikanselar an permit han Nicua tungod han kahibangan nga gindurot diri la ha pakabuhi han mga tawo kundi pati ha kalibungan” pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s