TACLOBAN CITY – Gintatapo han mga kablas nga parag-uma ha Sinirangan Bisayas an tuig 2012 hin dako nga ayat ngan singgit ha panawagan nga madakop na ha pinakamadale nga panahon an nagtitinago ha balaud nga hi anay General Jovito Palparan nga ginkikilala nga “berdugo” han mga aktibista ngan masa han madistino hiya ha aton rehiyon kumo Commanding Officer han 8th Infantry Division o 8ID hadton tuig 2005.

Talawan an anay heneral han Armed Forces of the Philippines (AFP) ha pag-atubang han iya kaso ha katawhan ngan diri angay depensahan han mga retirado nga mga heneral ha pangunguna han Association of Generals and Flag Officers o AGFO.

“Imbes  nga mag-warning la  kontra hin kuno “trial by publicity”, mas maupay kunta gamiton han AGFO  an iya impluwensya nga atubangon han iya myembro  nga  hi Ret. Major Gen. Jovito Palparan  an iya kaso ha  husgado,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga ginkasuhan hi Palparan hin kidnapping ug serious illegal detention kanda Karen Empeño and Sherlyn Cadapan, mga estudyante ha Unibersidad han Pilipinas (UP) nga gintahapan nga gin-kidnap, gin-torture ngan gin-rape han mga sundalo ha ilarom han pamumuno ni Palparan ha Central Luzon.

Pagsaysay pa ni Lebico nga aada ha 199 nga kaso hin panmatay, torture, kidnapping, harassment ngan iba pa nga mga panalapas han tawhanon nga katungod an na-ireport ha panahon han iya pamumuno han 8ID, kaupod hini denhe an pagpataya kan Atty. Felidito Dacut, Rev. Edison Lapuz ngan Atty. Norman Bocar, ngatanan mga numero uno nga kritiko ni Palparan han grabe militarisasyon ha kabaryuhan han iya pamumuno.

“Waray pa hini denhe an mga kaso ha rehiyon-8 nga iya pagbabaydan, sanglit klarado nga an paghikalupad ni Palparan ha Singapore ngan ha yana waray na magpapakita tungod han gin-issue nga warrant of arrest, in nagpapakita han iya ka-guilty han iya mga binuhatan ha katawhan,” pagsaysay pa ni Lebico.

Mahinunumduman nga hi anay Gen. Palparan gintutudlok nga responsable hin damo nga human rights violations dinhi ha Sinirangan Bisayas ug ha iba pa nga lugar diin man hiya madistino sugad ha Mindoro ngan Central Luzon.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s