TACLOBAN CITY – Ginsasalin-orog an ika-148 nga kaadlawan han aton bayani nga hi Andres Bonifacio samtang nasusubo na naman an sektor han mga parag-uma tungod han bag-o pala nga pagpataya han mga militar han usa nga parag-uma nga hi Boboy Pajanustan han, 40 yrs old, han Brgy. San Miguel, Las Navas, Northern Samar dida han November 25, 2011.

“Waray pa ngani pagtatapos an bulan han nobyembre diin ginbisita mismo han chief han Army nga hi MajGen. Emmanuel T. Bautista an 8th Infantry Division nagpakita na an mga militar hin pangil para hadlokon ngan patayon an mga kablas nga parag-uma ha aton rehiyon,” pahayag pa ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga atubangan han 9 yrs old nga anak han biktima ginkuha an iya Tatay han mga nag-ooperasyon nga militar ha ira ginkukuhaan hin kahoy para han ginhihimo nira nga balay banda 8:00 han aga han nahitaboan nga adlaw ha ira umhanan ngan natad-an nala nga patay.

“Doble ini nga makasurobo nga higayon tungod kay ha pira na ka-anyos nga ginpakigbisog ni Bonifacio an tinuod nga kagawasan ngan hustisya, ginpupudngan ini mismo han aton gobyerno pinaagi han pagpatay ha mga nakikigbisog han katadungan ngan tinuod nga demokrasya,” dugang pa ni Lebico.

Kun mahanunumdoman an nobyembre nga bulan an ginkukunsidera nga masaker nga bulan para han mga progresibo nga grupo tungod han damo nga pinatay hini nga mga aktibista ngan masa han mga militar mismo, upod na hini denhe an pinatay nga hi Prof. Leonardo Co, an Palo Masaker ngan mismo an Hacienda Luisita Masaker.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s