TACLOBAN CITY – Napamatud-an han Supreme Court (SC) dida han November 22, 2011 an ma-anomaliya nga pag-aamkon han mga Aquino-Cojuangco ha 4,915.75 ektarya nga tuna ha Tarlac sanglit ginpapadistribwer na ini ha 6,296 rehistrado nga trabahador ha uma, ngan diri harayo an nawong han Hacienda Luisita (HLI) ha nahitatabo nga ma-anomaliya nga pag-aamkon liwat han 429 ka ektarya hin tuna han dati nga erya han Leyte Sab-a Basin Development Authority (LSBDA) ha Alang-alang ngan San Miguel, Leyte ni Associate Justice  Vicente Veloso nga pirit nga ginpa-iwas an mga parag-uma ha ira mga katunaan.

“Waray makawang an damo na nga balhas ug dugo nga ginpakigbisog han aton mga kabugtuan nga parag-uma ha (HLI) ha pira na ka dekada nga naglabay, sanglit dako ini nga moral ha pakig-away han mga parag-uma ha LSBDA ug ha ngatanan nga mayda monopolyo ha tuna ha bug-os nga rehiyon,” pahayag ni Nestor Lebico, Secretary General han Samahan han Gudti nga Parag-uma ha Sinirangan Bisayas o SAGUPA-SB.

Pagmalatumat pa ni Lebico nga diri nagtatapos ha pagdistribwer han katunaan an angay himuon han aton gobyerno kundi kinahanglan magka-ada suporta serbisyo nga himuon ha mga parag-uma nga diri nahihimo labi na ha mga pinakakablas hini.

“Tungod han pagkilala han SC han mga bulnerable nga luho ha Comprehensive Agrarian Reform Program Extension with Reforms o CARPER, napapanahon na nga igbasura na an CARPER ngan igsabalaud an Genuine Agrarian Reform Bill o GARB labi kay hini nga balaud libre nga ig-didistrebwer an tuna ha mga parag-uma ngan gingagarantiya hini an katungod ha tuna nga diri na mahibalik ha mga kapitalista ug agaron maytuna,” pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s