TACLOBAN CITY – Hul-os nga susuportahan han mga parag-uma ha bug-os nga rehiyon-8 ha pangunguna han Samahan han Gudti nga Parag-uma ha Sinirangan Bisayas o SAGUPA-SB an pagbubuhaton nga visayas wide nga pam-publiko nga konsultasyon ha HB 374 o Genuine Agrarian Reform Bill o GARB buwas nga adlaw (Nov. 17, 2011) ha Calbayog Convention Center han Calbayog City, Western Samar.

“Panahon na nga tagan hin tinuod nga kasolbaran an pira na ka dekada nga problema ha tuna, ihatag hin libre ha mga parag-uma an maiha na nga ginkokontrol nga hagluag nga katunaan han mga agaron maytuna, ngan nakikita la namon ini ha GARB,” pahayag ni Nestor Lebico, Secretary General han SAGUPA-SB.

Pagmalatumat pa ni Lebico nga magkakamay-ada programa ha downtown erya han syudad han Calbayog ha aga buwas nga adlaw an mga parag-uma ha pamumuno han Kilusang Magbubukid ng Pilipinas o KMP ngan SAGUPA-SB antes magtikang an public hearing ha 1:00 han kulop.

Pagsaysay pa ni Lebico nga personal nga aatendiran ni Cong. Rafael Mariano han Anakpawis Partylist an public hearing kumo kaapi han Committee on Agrarian Reform han Kongreso nga nagpatawag han aktibidad ngan kumo prinsipal nga author han GARB.

“Nananawagan kami han mga parag-uma nga hingyap an tinuod nga reporma ha tuna agud makagawas na ha kakurian ngan kakablasan, ug sugad man han bug-os nga katawhan ha aton rehiyon labi na an mga Kongresman han aton rehiyon nga suportahan an pagsasabalaud han GARB ha Kongreso,” pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s