TACLOBAN CITY – Waray lalauman nga mupay nga kabubwason an mga parag-uma ha Sinirangan Bisayas han ika-duha nga State of the Nation Address o SONA ni P-Noy, tungod ini nga padayon nga ginbaliwaray ngan ginkalimtan an tinuod nga reporma ha tuna para ha sektor han parag-uma ha iya kuno “daang matuwid” nga pan-gobyernuhan.

“Dako nga ‘Wang-Wang’ ha administrasyon ni P-Noy an iya pagbaliwaray han tinuod nga ungara han sobra 80% han aton populasyon nga mga parag-uma ngan nagpapakita la ini nga diri kami an iya Boss kundi an mga dagko nga agaron maytuna sugad han iya pamilya ngan mga langyaw nga kapitalista nga amo gihapon an ginserbian han dunot nga naglabay nga administrasyon,” siring ni Nestor Lebico, Secretary-General han Samahan han Gudti nga Parag-uma ha Sinirangan Bisayas.o SAGUPA-SB.

Pagmalatumat pa ni Lebico nga buwa gihapon an iya pulong nga tungod kay damo an nahisakob nga benepisyaryo han Pantawid Pampamilya Pilipino Program o 4P’s naibanan na an nagkukuri nga katawhan Pilipino, pero ha kamatuoran lugi pa ngani an mga nakuha hini ha tay-aw nga lugar tungod han gastos ha pamasahe ngan iba pa. Usa pa nga rason nga diri ini tama nga solusyon ha pagwara han kakurian tungod nga ginbabaton man la ngani hini an guti nga populasyon han nagkukure nga katawhan.

Magmamaupay kuno an produksyon han humay yana nga tuig basar han iya SONA pero nakikita ini han mga parag-uma diri pa tungod han maupay nga pagdumara han departamento han agrikultura han iya administrasyon kundi tungod han maupay nga panahon nga rason han maupay nga paka-pananom han mga parag-uma ha bug-os nga nasud, pagsayod pa ni Lebico.

“Waray tinuod nga kauswagan an katawhan kun igbabaliwaray ni P-Noy an mga batakan nga kinahanglan han katawhan Pilipino ngan magpapabilin la nga mapan-uwat ngan waray gamit an mga istatistika ngan rating nga ginpapagawas ha media kun magpapabilin nga lubong ha kakurian ngan utang an kadam-an nga Pilipino ngan segurado nga ‘Wang-Wang’ an kakadtuan ha administrasyon ni P-Noy,” pagtatapos ni Lebico.###

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s