TACLOBAN CITY – Kumbinsido an mga parag-uma ha Sinirangan Bisayas nga waray ha plano han bag-o nga administrasyon Aquino nga solbaron an pira na ka anyos nga problema ha tuna nga nag-ugat pa tikang han panahon han Kastila.

Waray ginpakita nga senyales an rehimen ni Aquino ha iya 100 ka adlaw nga igpapatuman niya an tinuod nga reporma ha tuna sugad nala han iya saad nga ig-dedistrebwer an Hacienda Luisita.

“Sosyal nga hustisya an pagkaada kalugaringon tuna nga ginkakabuhi han mga parag-uma basar mismo han aton balaud, pero magpapabilin ini nga mga inop ha amon samtang an aton presidente in waray pag-ugop ha mga kablas nga parag-uma,” pahayag ni Nestor Lebico, SecretaryGeneral han SAGUPA-SB.

Pagmalatumat pa ni Lebico nga lugod ginpapadayon han rehimen Aquino an haluagan nga pangagaw han katunaan para ha interes han mga agaron maytuna ngan kapitalista sugad nala han pangagagaw ni Atty. Cheng Veloso ha Leyte Saba Basin Area ngan an lantaran nga pagmimina ha aton rehiyon.

Pagklaro pa ni Lebico nga imbes nga ihatag ha amon an hustisya ginbalos an sektor han parag-uma hin onse (11) nga extra-judicial nga panmatay sakob han iya 100 ka adlaw ha bug-os nga nasud ngan damo pa nga panalapas han tawhanon nga katungod labi an mga bag-o pala nga araba han mga para-uma ha aton rehiyon tungod han grabe nga militarisasyon ha kabaryuhan.

“Nag-iinop an rehimen Aquino nga sosolbaron niya an kagutom ngan kakablasan labi na ha aton rehiyon samtang diri niya gintatagan duon an ugat han kakurian han katawhan, ngan tungod hini gin-aayat namon an bag-o nga administrasyon nga sundon an tingog ug ungara han katawhan para han libre nga tuna ngan mauswag nga agrikultura para han tinuod nga industriyalisasyon” pagtatapos ni Lebico.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s