TACLOBAN CITY – Ha una nga anibersaryo han peke nga CARPer yana nga Agusto 7, 2010, otro nga determinado an mga rinaug-daug nga parag-uma ha bug-os nga rehiyon nga isulong an pagsabalaud han Genuine Agrarian Reform Bill (GARB) o HB 374 ha kongreso.

Waray mabaton sakob han sobra na 20 ka tuig nga programa han gobyerno nga CARP, an maiha na nga monopolyo han tuna han mga dagko nga agaron maytuna nga naghihigot han pag-uswag han sektor han mga parag-uma ngan ha kabug-osan an agrikultura nga tungtungan han tinuod nga industriyalisasyon.

“An burukrasya han aton gobyerno nga gindodominaran han mga dagko nga agaron maytuna in diri interesado nga ipatuman an tinuod nga reporma ha tuna, klarado mismo ini han aton bag-o nga presidente nga waray hisguti han iya una nga SONA ini nga maiha na nga problema han aton sosyodad” pahayag ni Nestor Lebico, Secretary General han SAGUPA-SB.

Ha aton rehiyon ginhahambog han DAR-8 an target nga igdidistrebwer han CARPer an masobra 6,000 ka ektarya hin tuna yana nga tuig 2010 ha mga parag-uma.

Nakikita na liwat ini nga kutob nala naman saad, kay mismo klarado ha mga molopyo nga diri mahatag-hatag han gobyerno an tuna nga gin-agaw ni Atty Cheng Veloso ha mga parag-uma ha Leyte Saba Basin Area ngan an iba pa nga mga dagko nga pribado nga tuna ngan asyenda nga gintatag-iyahan mismo han mga aada ha poder han aton gobyerno.

“Dako nga ayat han aton bag-o nga presidente kun hain na an iya ginsesering nga ‘tuwid na daan’, ‘kayo ang boss ko’ kun diri niya nakikita an tinuod nga problema han mga parag-uma ngan mismo ginhahalot niya an pagkaada libre nga tuna ha mga parag-uma sugad nala han mga taga Hacienda Luisita” dugang pa ni Lebico.

Pagmalatumat pa ni Lebico nga klarado an harayo nga pagkaka-iba han CARPer ngan GARB. Ha GARB libre an panhatag han tuna, samtang ha CARPer kun waray ka kwarta waray ka tuna.

Iginseseguro liwat han GARB nga diri poyde mahibalik ha mga agaron maytuna an tuna, nga may ada suporta serbisyo ha mga parag-uma, pagwara han mga kombersyon han tuna nga agrikultural, waray mga exemption ngan exclusion ug iba pa nga mga lusot ngan pag-aghat ha kooperatiba para han mauswag nga produksyon.

Mahanunumduman nga ika-2 na nga higayon ini nga pag-extend han CARP nga yana in ginngaranan nga CARPer, an una 10 ka tuig dida han 1998 ngan yana in 5 ka tuig nga nagtikang han 2009.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s