TACLOBAN CITY – Waray ha diskusyon an mahihimo nga maraot nga epekto ha katawhan labi na ha kaurugan nga mga bungto nga nakahilira han San Pedro Bay tikang ha Tacloban ngadto ha Abuyog, Leyte an mga ginpapahayag han tagapagyakan han mga kompanya han mina sugad nala han Northern Access Mining Inc. (NAMI) nga target nga magkuha hin 1.2 milyon ka tonelada hin magnetite sand sunod nga tuig.

“An aton kalibungan kun maruba mahagos hin dekada ngadto ha usa kagatos ka tuig antes mabalanse an nawara hini kumpara han pira la ka tuig nga pagruba hini, kun sugad mapira paman ka milyon an kantidad hini kun bilyon-bilyon naman nga mawawara hini kumo epekto ha katawhan kutob pa ha sumurunod nga henerasyon” pahayag ni Nestor Lebico, Secretary General han SAGUPA-SB.

Damo an nag-iinteres nga mga kompanya hin mina ha bug-os nga rehiyon labi na ha Leyte nga dapit han San Pedro nga riko hini nga magnetite sand ug black sand nga batakan nga material para han paghimo han puthaw.

Usa pa nga dako nga kompanya hin mina an Pan Asia Mining Limited nga nagkaada hin katungod magmina hin maabot 41,093.85 ka ektarya hin offshore (ha dagat) tikang ha mga baybay ngan dagat han Basey, Marabut, Samar, Tacloban, Tanauan, Tolosa, Dulag, Mayorga, MacArthur ngan Abuyog, Leyte.

“Ini nga mga dagko nga kompanya hin pagmimina in pareho hin linta nga nagsusopsop han aton karikuhan kun di man pareho hin buwaya ngan pating nga karuyag maghadi ngan kaunon an bug-os nga gintatagamtaman han kadam-an” kadugangan pa ni Lebico.

Mahinunumduman nga ini nga mga dagko nga langyaw nga nagmimina ha aton lugar in prinsipal nga nag-iexport han magnetite sand ha nasud China kumo numero uno nga nagproproduser hin puthaw ha bug-os nga kalibutan.

One response »

  1. noelle says:

    ine nga pag taga mina makure gad ine mapoypoy bisan pa ano in aton pagpinannigoro in waray naton mahihimo, sugad didi ha eastern samar an religious sector in may ada na mga pitad sugad hin signature campaign, pero aadi manla gihap ine nga mina. kay kon it gobyerno in humatag hin katogotan labi na an denr mag issue hin ecc, an provincial mining regulatory board mag issue hin clearance pag grant nga mag mina, an governor in humatag hin permit, an mayor in mag issue hin permit, an barangay council hin mag issue hin brgy resolution pagtogot hin pag mina ha ira barangay, waray naton gud mahihimo. an nakikita ko hine nga solosyon amo in magkamay ada kalamidad hin lugar nga may ada mina.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s