TACLOBAN CITY – Aada ba ha aton sagrado nga Bibliya nga an pagpatay hin sobra 100 nga mga inosente nga sibilyan ngan kaapi han progresibo nga grupo ha rehiyon kaupod hi Fr. Lucero tikang han tuig 2001 in sagrado nga misyon han mga berdugo nga militar ni GMA denhe ha rehiyon-8? Asya ini an dako nga paki-ana han SAGUPA-SB ha usa nga radio program han militar denhe ha Tacloban nga nagpopostura nga maka-diyos ha iya gawi nga kanan demonyo.

Ginhuhurma han militar an huna-huna han tawo ha aton rehiyon nga an mga kaapi han progresibo in magraot nga mga tawo sanglit gintatago hini an iya maitom nga plano para magka-ada hin lisensya para padayon nga harason, hadlokon, sikmiton, torturon ngan patayon an katawhan nga nakikibisog para han mga lihitimo nga interes han masa nga ginpakikig-awayan yana ngan mismo han panahon pa han aton Ginoo.

“An problema ha tuna an ugat han kakurian han katawhan ha aton rehiyon nga diri mahatag-hatag han pira na nga herodes, langyaw nga mananakop ngan mga niyu-tiyu nga gobyerno an naglabay sugad nala hini nga US-Arroyo nga rehimen” pahayag ni Nestor Lebico, Sekretaryo Heneral han SAGUPA-SB.

Malisyuso nga gindadabe an mga legal nga organisasyon sugad han SAGUPA-SB ha iya maitom nga propaganda ha mga tawo para itago an kapalpakan han gobyerno ni Arroyo nga solbaron an nagtitikahaluag nga kagutom, kakurian, kakablasan ngan panunupil, para diri pamatian an panawagan han mga progresibo nga grupo kay tungod mga kumunista daw ini hira ngan kontra han iginlalarang han aton Bibliya.

“Seguro kun naka-abot an aton Ginoo ha aton panahon gintahapan na liwat hiya nga kumunista, terorista ngan diri natuod han Amay nga Dios tungod han iya pag-ugop han kawsa han tiniyupi nga klase” dugang pa ni Lebico.

Kun mahinunumduman dida han nakalabay nga domingo, adlaw han kabanhaw han aton Ginoo in nagpahayag an usa nga binaydan nga oras han militar nga pirit nga ginpapatuo an katawhan nga diri natuod kan Kristo nga aton Ginoo an mga progresibo nga organisasyon ha aton rehiyon.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s