TACLOBAN CITY – Nagpapabilin an kalbaryo han ginugutom ngan kablas labi an nagpapakaon han katawhan ha rehiyon-8, an mga parag-uma, nga ha pagkayana ginagamit na liwat an grabe nga kabutang hini han nga mga politiko nga waray sersiyuso nga pagserbe ha katawhan kundi an mga kalugaringon kauswagan.

Yana nga semana santa ginhihinumdom an waray pagruhaduha nga paghalad han kinabuhi han aton Hesus Kristo nga aton Ginoo para salbaron an katawhan. Sugad man diri makakalimtan an sobra yukot nga ekstra-judisyal nga panmatay han mga progresibo nga indibidwal nga naghalad han ira kinabuhi para tindugan an tinuod nga demokrasya, kauswagan, kahimyangan ngan hustisya.

“An tinuod nga kalbaryo han pagserbe ha katawhan diri nakikita ha aton mga presente nga mga opisyal han gobyerno lugod hira pa an nagpapagrabe han kalbaryo nga kabutang labi na ha mga parag-uma” pahayag ni Nestor Lebico, Secretary General han SAGUPA-SB,

Kalbaryo ha katawhan an ginbilin han US-Arroyo nga rehimen sugad nala han bilyones nga mga kurapsyon labi na ha agrikultura nga para kunta ha mga kablas nga parag-uma, maanomalya nga proyekto sugad nala han NBN-ZTE deal, kultura han impunidad labi ha mga panmatay han progresibo ngan media ngan an mas kalbaryo pa tungod han pag-insister han pagpapabilin ha poder ni GMA.

“Diri mawawad-an hin paglaum an mga kablas nga parag-uma ha luyo hini nga mas grabe nga gin-aagian nga kalbaryo han aton katilingban ngan tungod kay napamatud-an nga ini nga mga naghahadi ha poder waray konsensya ha mga kablas, kinahanglan pamunuan ngan magka-urusa an mga rinaugdaug nga tumindog ngan umaksyon han tinuod nga pagbabag-o para ha mauswag nga kabubwason” pagtatapos ni Lebico.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s