TACLOBAN CITY – Ha adlaw han kababayen-an natatama la nga panginanuhon han aton gobyerno ngan solbaron an makaharadlok nga kabutang ha panlawas han aton mga Nanay ha bug-os nga Pilipinas.

Basar han datos han Center for Womens Resources (CWR) aada ha duha (2) an namamatay kada duha (2) ka-oras tungod han komplikasyon ha panganganak ha bug-os nga Pilipinas. Nagpapakita la nga an aton mga minahal nga mga Nanay ha panahon han ira pag-ataman han ira mga anak in aada pirme ha piligro tungod han kakulangan ha o waray pondo ha maupay nga serbisyo panlawas.

“Makikita la naton nga aada ha maupay nga kabutang an panlawas han aton mga kag-anak labi na an aton mga Nanay kun maupay an serbisyo sosyal han gobyerno ha ngatanan nga panginahanglan han usa nga pamilya nga Pilipino” pahayag ni Jose Tico, Tagapagyakan han SAGUPA-SB.

Basar han survey nga ginhimo ginhihingyap han kakabayen-an an magka-ada maupay nga pagkaon ha lamesa, trabaho, tinuod nga batakan nga sosyal nga serbisyo, maupay nga pamalakad ha gobyerno ngan katalwasan ha pan-aaboso ha katungod han kababayen-an.

Aada liwat ha  77.61% han kababayen-an ha bug-os nga Pilipinas an mayda trabaho hin sobra usa tungod na han grabe nga panginahanglan sugad nala han pagtitinda kumo sideline ngan mas halaba nga oras nga trabaho ha pag-uma bisan kutob domingo nga adlaw.

“Ini nga mga bag-o nga survey in nagpapakita la han kawaray hustisya ha kababayen-an nga mas nagtitikagrabe an kabutangan han kagutom ngan kakurian labi na kay mas nagtitikamahal an mga papliton ngan kabaraydan yana nga panahon” dugang pa ni Tico.

Mahanunumduman nga yana nga adlaw an paghinumdom han ika- 100 ka tuig han adlaw han kababayen-an dire la ha Pilipinas kundi ha bug-os nga kalibutan kumo paghinumdom han dako nga papel han kababayen-an ha kasaysayan han katawhan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s