TACLOBAN CITY – Tungod han paniniyupi ngan makure nga kabutang han mga parag-uma ha bug-os nga rehiyon napiritan nga magtrabaho ha sentro nga syudad han Tacloban ngan kadtuon an dire pirmanente nga trabaho pero danay mas labaw pa ha karabaw kun magtrabaho an mga hurnal pier ngan bodega.

Naabot hin siyam (9) ka-sako kada minuto ha pinakagrabe nga kabutang an kinahanglan matrabaho han usa nga hurnal para maabot an suhol nga P218.00 kada adlaw o madya nakukuha la nga P0.80 kada sako an mga magtatrabaho nga hurnal.

“Kun nakakakita kamo ha kaumhan hin itom nga karabaw denhe ha syudad mga busag nga karabaw an iyo makikita, tungod ito nga an bug-os nga lawas in putos na han semento ha haros waray pahuway nga pagtinukdo” siring ni Francisco Falguera, Tagapagyakan han ANAKPAWIS-EV.

Ha grabe nga kakapoy han ira lawas, waray naman la paghatag hin benepesyo an LIPSI para han seguridad ha panlawas o Medicare ngan mismo pati ha pagbayad ha SSS dire nahatag an LIPSI para hini. Imbes nga iginlalarang ha balaud an pagbayad han Medicare ngan SSS, mas ginkakaltasan pa lugod an duro na kahamubo nga suhol han mga hurnal.

“Dako pa nga iristoryahon an amon mismo sick leave nga aada nala ha lima (5) kada adlaw imbes kense (15) ka adlaw ha kada tuig ngan mismo an dako pa nga paki-ana kay anu nga an amon COLA in aada na mismo natimpo ha amon kada adlaw nga resibo han sweldo” dugang pa ni Falguera.

“Ha upat (4) na katuig nga naglabay tikang han tuig 2004 waray pagpahitaas nga natabo han suhol ha hurnal ha bodega denhe ha syudad lugod mayda kaso pa lugod nga gipahamub-an ini. Kun nakakakuha man hin darudako nga kita kada adlaw an mga hurnal tungod pa ito nga darudamo an semento nga gindidiskarga” pagtatapos ni Falguera.

One response »

  1. apple ipad future…

    Cool. Your blog looks great, and I’m glad i’ve found something here worth adding to my favorites….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s