Tacloban City – Gin-amin mismo ni Regional Director Leo Cañeda han Department of Agriculture Region 8 (DA-8) nga kadak-an han mga humay nga ginpo-prodyuser dinhe ha aton rehiyon in nagawas ngadto ha iba nga rehiyon ngan higot ha sistema han usura an mga parag-uma ha mga negosyante ha kaumhan. Ginpapakita la hini nga waray pulos an ngatanan nga ginhihimo han gobyerno kontra kagutom ngan kakablasan kun dire masosolbar an maiha na nga sistematiko nga paniniyupi han mga agaron maytuna/negosyante usurero tungod han kawaray kalugaringon tuna ngan tinuod nga serbisyo-sosyal ha katawhan.

“Dire tinuod nga karuyagon namon nga mapiit hini nga paniniyupi han mga agaron maytuna ngan mga negosyante tarehas han ginyakan ni Dir. Cañeda han DA-8, kay kun magkakaada la kami kalugaringon tuna mawawara ini nga gahum han mga agaron nga diktahan ngan kontrolon an amon produksyon ha amon pagkaon” pahayag ni Jose Tico, Tagapagyakan han SAGUPA-SB.

Bisan pa man kita numero uno nga nagpo-prodyuser han abaka, ika-duha nga tagprodyuser han lukad ha bug-os nga Pilipinas ngan nagsosobra an pagprodyuser han humay ha ha aton rehiyon kon kontrolado ngan nahingangadto man la ini han mga gamhanan ngan mga riko, pareho nala hin panhapin an mga ginhahatag nga mga proyekto han gobyerno para dire umaraba an mga parag-uma ngan magpadayon an paniniyupi ha ira.

“Nagbabangi an mga ginyakan ni Dir. Cañeda nga dire magkukulang hin bugas an rehiyon-8 tungod kay kuno sobra pa an paghimo ha aton rehiyon samtang iya ginyakan nga kaurogan hini nga mga nahihimo nga bugas in nagawas man ha aton rehiyon” dugang pa ni Tico.

Kun mahinunumduman an nangunguna nga solusyon han gobyerno para wad-on an kagutom ngan kakablasan in pag-indusar han pagtatanum han Hybrid nga humay ngan pira nga mga panhatag hin kwarta ha katawhan, nga ha luyo hini nga mga programa in nagpapabilin nga ginugutom ngan grabe an kakablasan ha aton rehiyon.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s