Tacloban City – Mahinungdanon nga ig-seselibrar an makasaysayan nga panhitabo han dekada ‘70 nga amo an First Quarter Storm o FQS yana nga adlaw diri la ha Metro Manila kundi pati dinhe ha rehiyon-8. Gindara ngan ginbandera han FQS labi na han sektor han mga kabataan estudyante an Nasyunal nga Isyu han maiha na ngan haluagan nga problema ha Tuna, nga hasta ha pagkayana nagpapabilin ngan nagtitikagrabe tungod pa han lantaran nga pangangagaw han mga agaron maytuna ngan langyaw nga kapitalista.

“Ginsasaluduhan han sektor han mga parag-uma an nahimo nga papel han magbagsik nga dugo han kabatan-onan nga nag-ogop han isyu han mga parag-uma han panahon han FQS ngan sugad man yana nga panahon” siring ni Jose Tico, Tagapagyakan han SAGUPA-SB.

Nahimo nga tulay labi na an mga kabataan estudyante han dekada ’70 para mas haluagan nga ibuksas an grabe nga kadunutan han gobyerno labi na an rehimen ni Marcos hadto nga panahon ha katawhan Pilipino ngan sugad man ha bug-os nga kalibutan.

“Kinahanglan ipadayon ngan makurimot nga ugopan han mga kabatan-onan labi na an mga estudyante an interes han sektor han mga parag-uma tungod kay dire la pakabuhi ngan kinabuhi han mga parag-uma an ginsasalbar kundi ha kabug-osan an seguridad han pagka-on ngan tinuod nga pag-uswag han katilingban Pilipino” dugang pa ni Tico.

Kun mahinunumduman an FQS an masesering nga naging bunyag han kagiosan han demokratiko nga pakigbisog han katawhan ha bug-os nga Pilipinas tikang han panahon han Amerikano ngan Hapon.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s