TACLOBAN CITY – An nagpapadayon nga liberalisasyon ngan dire nabubungkag nga kartel ha industriya han asukar an hinungdan han pagsirit han lokal nga mga presyo han asukar ha bug-os nga Pilipinas tikang ha P30.00 ngadto P60.00 kada kilo.

Mas gin-uugupan han gobyerno an mga parag-uma ha gawas han aton nasud kontra han mga parag-uma naton ha industriya han tubo ha iya pag-import hin 150,000 ka tonelada hin asukar, tungod hini mas nga malulunod pa ha kumunoy han kakurian an katawhan.

“Hinimo-himo nga senaryo han krisis ha asukar han gobyerno in naklaro ha dagmit nga pagmando han Malakanyang nga mag import hin asukar ha gawas bisan klarado nga an Pilipinas in nag-eexport pa ngani hini ha US ngan Europa” siring ni Jose Tico, Tagapagyakan han SAGUPA-SB.

Nagpahayag mismo an Sugar Alliance of the Philippines (SAP) nga naghataas pa an produksyon han hilaw nga asukar hin 14.7%, pino nga asukar hin 41.74%, mismo an paggiling hin 4.19% ngan ginkikita mismo han gobyerno nga maabot 2.16 milyon an produksyon han 2009-2010 nga tuig.

“Waray indikasyon han krisis ngan waray rason an gobyerno nga magpahayag han pagluros han suplay hini an mas kinahanglan buhaton pa han gobyerno an pag-imbestiga pa han panhitabo labi na ha lima nga kartel han industriya han asukar ha bug-os nga Pilipinas” pahayag pa ni Tico.

Kun mahinunumduman ha naglabay nga semana in dako nga gindebatihan an tigda la nga pagahataas han presyo han asukar ngan an dayon nga pagdisesyon han pag-import hini bisan ginkikita han mga kamag-araman nga dire kinahanglan ngan dako pa lugod nga pirdesyon ha taripa nga maabot hin P2.103 bilyon ka pesos.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s