TACLOBAN CITY – Malisyoso nga ginsusumpay han Militar an mga legal nga mga organisasyon sugad han SAGUPA-SB para hatagan hin rason an maiha na nira nga ginbubuhat nga panmatay han mga aktibista ha bug-os nga rehiyon. Kaparte ini han Oplan Bantay Laya 2 nga kontra-insurhensiya nga kampanya han gobyerno nga dire la nakapuntirya ha mga armado nga nakontra han gobyerno kundi pati ha mga legal nga organisasyon.

“Ginpapadig-on la han Militar an ira ka-desperado ngan katuta ha rehimen-Arroyo nga kontra-katawhan, diin kutob ha mga lehitimo nga demanda han katawhan labi na an mga parag-uma in pirit pa nira nga ginhahakog pinaagi han paghahatag malisya ha mga legal nga organisasyon komo dire na-iiba ha mga armado sugad han NPA” pagmalatumat ni Jose Tico, Tagapagyakan han SAGUPA-SB.

Ginpahayag han Militar sugad kan Roberto Gacuma alyas “Ka Huling” nga an mga organisasyon han SAGUPA, ANAKPAWIS ngan iba pa nga mga legal nga organisasyon in ginhimo ngan nagsusuporta han mga NPA. Tungod hini nga pahayag pirit nga ginruruba han Militar an makurimot nga ginpundar nga kridibilidad han sobra 20 na ka anyos nga pag-eksister han SAGUPA-SB nga diin damo na nga mga organisasyon lokal ngan internasyunal sugad han UNDP an naka-trabaho hini ha tinuod nga pagserbe ha katawhan.

“Gusto wad-on han gobyerno ngan mga ahente nga Militar an boses ngan gahum han katawhan nga gin-uundong han mga progresibo nga organisasyon sugad nala han Anakpawis, tarihas han ka-inutil han rehimen-Arroyo nga nagpagrabe pa han kagutom ngan kakablasan ha katawhan Pilipino” pahayag pa ni Tico.

“Maiha na nga panahon ginhihimo han katawhan an pakigbisog kontra ha mapaniyupi nga mga programa ngan balaud han naghahadi ug aada han poder han aton gobyerno, waray pa an NPA nag-rarali na an katawhan Pilipino para ibuksas ngan ipahamtang ha nahitutungdan an pagtipa hini” dugang ni Tico.

Kun mahinunumduman hadi nga nakalabay nga domingo ha binaydan nga oras han gobyerno in lantaran nga waray pag-iiba nga gin-atake han Militar an nakikigbisog nga mga legal nga organisasyon ha mga nakikigbisog nga armado sugad han NPA.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s